19 November 1861Kaipara District.Tenei Pukapuka i tuhituhia i tenei i te Tekau ma iwa o nga ra o Nowema i te tau o to tatou Ariki 1861 he Pukapuka tino hoko tino hoatu tino tuku whakaoti atu na matou Okaka. na nga Rangatira me nga Tangata o Te Taou o Ngatiwhatua no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua page 223whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni kotahi rau e toru tekau ma waru 16s. 6d. kua utua mai ki a matou e Te Rokena mo te Kuini (a e whakaaetia nei e matou te rironga mai o aua moui) ko taua wahi whenua katoa kei Kaipara ko Okaka te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Rokena Kaiwhakarite Whenua. Ko nga rohe enei o tana whenua ka timata i Whakatara ka Boundaries. [1,851 acres.] rere i te takutai o te Moana Tuauru ki Te Koroai, ka rere ki te rohe o te wahi i whakatapua i Tipare rere tonu i runga i nga rohe o taua wahi o Tipare ki te tikanga o te Kapehu 49° 30′ 2150 riki 345° 30′, 2200 riki, ka rere ano ki te Takutai o te Moana i roto o Kaipara a Okaka, rere tonu ki Matawhaura rere tonu ki Waiotitore, ka rere i runga i te raina o Whiritoa ki te ritenga o te Kapehu 240° 500 riki 241° 2950 riki 235° 18500 riki. ka rere ki Whakatara ki te wahi i timata ai nga rohe.