31 December 1860Kaipara District.Tenei Pukapuka[gap — reason: illegible] tuhituhia i tenei toru tekau ma tahi 31st o nga ra o Tihema i te [unclear: tau] o to tatou Ariki 1860 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatiwhatua no ratou nga ingoa e mau i raro Oruapo No. II. nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te rae whiti nei kua whakarerea rawatia kua tino tukuna rawatia atu kia wikitoria Kuini o Ingarani ki ona uri ki page 220nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni e ono tekau takitahi kua utua mai ki a matou e Te Rokena kai whakarite whenua mo te Kuini (a e whakaaetia nei e matou te rironga mai o aua moni) ko taua wahi whenua katoa kei Kaipara kei te Wairoa ko Oruapo te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Rokena Kaiwha Boundaries. [8,842 acres.] -karite Whenua. Ko nga rohe enei o taua whenua ka timata i Tatarariki kei te Wairoa ka haere i runga o te rohe o taua whenua i te ritenga o te kapehu 59° 53′ 4750 riki 233° 41′ 25100 riki 224° 15′ 9657 riki ka tae ki te moana ka haere waka te tonga Haenui Kuruwaitapu ka tae ki te ara ruri ko tona ritenga 132° 15′ 28600 riki 357° 15′ 558 riki 148° 15′ 1592 riki ka tae ki te Huihui ki te Wairoa ka haere i te taha o te Wairoa ka tae ki te Rangianiwaniwa Tauihu Oruapo Motuheteke Tatarariki ka tutuki nga rohe kei reira.

Tapapahuakaroro reserved. [90 acrea.] Kotahi wahi i puritia mo matou he whenua tapu ko Tapapahuakaroro te ingoa 90 eka kua oti te ruri e te Mete.