Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Oruawharo No. 1 Block, Kaipara District

Oruawharo No. 1 Block, Kaipara District.

Tenei Pukapuka i tuhituhia i tenei rua tekau ma whitu (27) o nga ra o Hanuere i te 1860. 27 January.Kaipara District. tau o to tatou Ariki 1860 he Pukapuka tino hoko tino hoatu tino tuku whakaoti atu na Oruawharo No. i. matou na nga Rangatira me nga Tangata o Ngatiwhatua no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E rima rau (£500) a £700. i takoto mo te Uriohau kua utua mai ki a matou e John Rogan District Commr. mo te Kuini (a e whakaaetia nei e matou te rironga mai o aua moni) ko taua wahi whenua katoa kei Kaipara ko Oruawharo te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki oua uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o John Rogan Kaiwhakarite Whenua. Ko nga rohe enei o taua Boundaries. whenua ka timata i Takapau kei Oruawharo ka haere i roto o te wai o Oruawharo ka tae ki te wai o Mainene ka haere i roto o te wai o Mainene ka tae ki Pukerewarewa ka haere i runga o te ruri o te Wirihana i te tohu o te Kapehu 16° 48′—17950 riki ki Tahekeroa ki te Topuni ka haere i roto o te wai o te Topuni ka tae ki te ruri o Mangawai ka haere i runga o taua ruri 88°—38535 riki ki Papawi, 2° 30′ 28500 riki ki Pukemero 10°—26520 riki 65° 50′. 6874 riki. 21° 30. 3175 riki. 47° 50′. 16215. riki ki Hauhaunganui 45°. 50′. 39220 riki ki Tangi te Ruru 28°. 0′—8430 riki ki te wai o te Kakaho ka ahu whakararo i te takutae o te wai ka tae ki te Wheau ka haere i runga o te ruri 30°. 47′. 8500 riki 71°. 40′. 1810 riki ki Takapau ka tutuki nga rohe ki reira.
Kotahi wahi i mahue ki waho, ko Paraheke he Wahi Tapu ka timata nga rohe i Opu Wahi Tapu (Paraheke) reserved. ka haere i te taha o te awa o Oruawharo ki Waiahina Wharehine ka haere i runga o te ruri. 2°. 25′. 8032 riki 47°. 5205 riki. 19° 20′. 13355 riki 32°. 30′. 4487 riki ki Opu, ka tutuki nga rohe ki reira.

John Rogan, D.C.

The mark x of Te Otene.
The mark x of Taraia.
The mark x of Hori te More.
The mark x of Kaupapa.
The mark x of Hereatera.
The mark x of Ihau.
The mark x of Maiaka.
The mark x of Irunenae.
Te Keene mo Ngatiwhatua katoa. By W. Kawau.
paraone.
Tamati Reweti.
The mark x of Te Para.
The mark x of Hine Moa.
The mark x of Te Rira.
The mark x of Te He.
The mark x of Mu.
The mark x of Raka tawhiti.
The mark x of Taraipine.
The mark x of Wiremu.

Ko nga tangata i kite i te koatutanga o nga moni me te tuhinga o nga ingoa—

J. William Kawau.

Kua riro mai ki a matou i tenei ra i te rua tekau ma whitu (27) o nga ra oReceipt for £500, final payment. Hanuare i te tau o to Tatou Ariki Kotahi mano e waru rau e ono tekau (1860) nga Pauna moni E rima rau taki tahi (£500 . 0 . 0) Ko te utu whakamutunga tenei kua whakahuatia ki te Pukapuka tuku e mau i runga ake nei kia utua mai ki a matou e John Rogan District Commr. mo te Kuini.

The mark ofTe Otene.
By Wikawau Te Keene.

Nga Kai-titiro—

J. William Kawau.