1859. 2 February.Kaipara District.Tenei Pukapuka i tuhituhia i tenei rua (2) o nga ra b Pepuere i te tau o to tatou Ariki 1859 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Te Roroa ko Ngatikawa no ratou nga ingoa e mau i raro nei a hei Arapohue. whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E toru rau e rima tekau kua utua mai ki a matou o te Rokena mo te Kuini (a e whakaaetia nei e matou te rironga mai o aua moni) ko taua wahi whenua katoa kei te Wairoa ko Arapohue te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi koki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto page 204me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga kotoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o John Rogan Kaiwhakarite Whenua. Ko nga Boundaries. [9,500 acres.] rohe enei o taua whenua ka timata i Waikaka kei te Wairoa ka haere ki te taha o te Wairoa ka tae ki Aratawa ka ahu whakaroto i runga o te ruri o Puikanana 42°. 30′, 163.16 riki ka ahu whakararo 313°. 30′. 98′27 riki, ka haere ki te wai o Manganui ki Ohaua 37°. 30′. 142.00 riki-ka haere i roto o te wai o Manganui ka tae ki te rohe o Okahu ka haere i te taha o taua rohe 14°. 15′. 270.80 riki 338°. 127′. 20 riki, 51°. 7′. 106.20 riki 42°. 119.00 riki ka tae ki Waikaka ki te Wairoa ka tutuki nga rohe i reira.