Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Okahu No. 1 Block, Kaipara District

Okahu No. 1 Block, Kaipara District.

1857. 23 November.Kaipara District.Tenei Pukapuka tuku whenua e tuhituhia nei i tenei Ra i te rua te kau ma toru o nga Okahu No. i. Ra o Noema i te Tau o To Tatou Ariki Kotahi mano e waru rau e rima tekau ma whitu 1857 He pukapuka tino Tuku tino Hoko tino Hoatu na Matou na nga Rangatira me nga Tangata o te Uriohau e mau nei nga Ingoa ki raro nei hei Whakaritenga mo nga Pauna Moni E rima rau takitahi (£500) kua utua mai ki a Matou e te Rokena (John Rogan) mo te Kuini Wikitoria (a e whakaaetia nei e matou te Rironga mai o aua Moni) taua Piihi Whanua katoa o matou e takoto nei kei Kaipara—Ko Okahu te ingoa —ki a Kuini Wikitoria ki nga Kingi me nga Kuini ranei o muri iho i a ia me ana e Boundaries. Hoatu ai—Ara taua Whenua nga Rohe ka timata i te taha ki te tuawhenua o Tokatoka i te raina ruri i timataria e te Penetana (Mr. H. Fenton) a i whakaotia e te Kepa (Mr. McCabe) a tae noa atu ki te awa o Manganui ki to te kapehu (compass) tohu koia 30°. 0′ ko te Roa koia nei 626 tini (chains) 93 riki (links) ka haere tonu te kaha i roto i te awa o Manganui ki te raina ruri i mahia e te Penetana ki ta Matitikuha tohutohungia ki a ia ki ta te kapehu tohu koia nei 14°. 15′ ko te Roa 270 tini 80 riki a tae noa ki te raina ona tohu ki te kapehu 338°. 0′ ko te Roa 127 tini 20 riki haere tonu i tenei a tae noa ki te raina ona tohu 129°. 2′ te Roa 196 tini a tae noa ki te timatanga o nga Rohe Me ona Rakau me ona Kowhatu me ona Wai me ona Roto me ona Manga me ona Parae me ona Ngaherehere me ona Wahi ataahua me ona Wahi kino me nga Aha noa iho o taua Whenua me nga Mea katoa o Runga ranei o te Whenua o Raro ranei o te Whenua me te Tikanga me te Putake me te Paanga me te Wahi me te Tononga o Matou katoa o Matou takitahi ranei e mau ake nei ki taua Whenua. Heoi kua oti i a matou te Hurihuri te Mihi te Poroporoaki te tino Tuku rawa atu i tenei Ra e whiti nei taua Whenua o o matou Tupuna tuku iho nei ki a Matou kua whakahuatia nei nga Rohe i runga ake nei a e mau nei te Ahua ki te Taha o tenei Pukapuka Tuku Hei Mau tonu ki te Kuini me ana e hoatu ai ake tonu atu. A hei tohu mo to matou whakaaetanga ki nga Tikanga katoa o tenei Pukapuka ka tuhia iho nei o matou Ingoa me o matou page 195Tohu. A hei tohu mo te whakaaetanga o te Rokena (John Rogan) mo te Kuini ki nga Tikanga katoa o tener Pukapuka ka tuhituhia ano hoki e ia tona Ingoa.

John Rogan,
District Commissioner.

Manukau.
para one ngaweke.
Karena.
Paramena.
Te hira.
Hone Watarauhi.
netana.
Hori Kepa.
Paora.

I Tuhia i te Aroaro o enei Kai Titiro—

Geo. W. Drummond Hay, Comr. Thames.

Will N. Searancke, Dist. Com and Surveyor.

John Hobbs.

Receipt for £500. Kua riro mai ki a Maton i tenei Ra i te rua tekau ma toru (23) o nga Ra o Noema i te Tau o To Tatou Ariki Kotahi mano e waru ran e rima tekau ma whitu 1857 Nga Pauna Moni E rima rau takitahi £500 . 0 . 0 Ko te Utu tino whakaotinga tenei kua Whakaaetia i te Pukapuka Tuku e mau i runga ake noi kia Utua mai ki a Matou e te Rokena.

manukau rewharewha.
para one ngaweke.

I Utua enei Moni i Tuhia hoki nga Ingoa i te Aroaro o enei Kai Titiro—

Geo. W. Drummond Hay, Comr., Thames.
Will. N. Searancke, Dist. Com. and Surveyor.
John Hobbs.