Ko te tuhituhinga o tenei pukapuka i te ra e rua tekau ma tahi o Oketopa kotahi mano Kaipara District. waru rau ma rima tekau ma tahi, te whakaaetanga o matou nga Rangatira o Ngatiwhatua Pukeharakeke. te whakaaetanga ano hoki o te Kuini o Ingarani mona, na ko matou nga tangata i te kainga e tuhituhia nei ki tenei pukapuka na ka whakaae nei matou ki te hoko i tenei whenua kia Kuini Victoria hei utu mo nga pauna moni e ono tekau, no konei ka hoatu nei ka tuku atu nei kia Victoria te Kuini o Ingarani &c. &c. (Usual form.)

Ko ona rohe koia enei, kei te taha ki te tuaraki ka timata ki te Pukeharekeke haere Boundaries. tika nui ki Ararima he puke tenei; ka whati kei te taha ki te marangai ka timata kei Ararima haere tika tonu ki Watati to te Pereki (Blake) whenua kei te taha ki te tonga haere ana te rohe i Watati tika tonu ki te keringa kei Kaihakihaki e tuhituhia i te pukapuka o Waihoko kei te taha ki te hauauru haere ana te rohe i Kaihakihaki ki te timatanga o te Ararima (river) aruaru ana i tena awa tae atu ki te puke ki Pukeharekeke Ko Ararima Ko Pukeharekeke ranei te ingoa o tenei kainga, kua tuhituhia te ahua o te oneone ki tua nei.