Tenei Pukapuka i tuhituhia i tenei i te rua tekau ma wha (24) o nga ra o Mei i te tau 1865. 24 May. o to tatou Ariki 1865 he Pukapuka tino hoko tino hoatu tino tuku whakaoti atu na Whangarei District. matou na nga Rangatira me nga Tangata o Ngatikahu no ratou nga ingoa e mau i raro Otakairangi. nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E rima rau kua utua mai ki a matou e Te Herangi mo te Kuini (a e whakaaetia nei e matou te rironga mai o aua moni) ko taua wahi whenua katoa kei Wairua ko Otakairangi te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o taua Pukapuka kua tuhia nei te ingoa o Te Herangi Kaiwhakarite Whenua. Ko nga rohe enei o taua whenua ka timata i roto i Wairua i te ngutu awa o Paparata Boundaries. [5,415 acres.] ka rere kei uta i te taha whakararo o Purua o Karewarewa kei Oniau, i konei ka ahu whakararo kei Motu-uta ki te Repo ka ahu ka rere whakawaha i roto i taua repo ki te Tungutu kei te awa o Okarika ka rere i roto i Okarika tae noa ki te awa o Wairua rere noa i roto i Wairua tae noa atu ki te ngutu awa o Paparata, ka mutu i konei.