Wananaki Block, Whangarei District.
1864. 14 July.Tenei Pukapuka i tuhituhia i tenei i te 14th o nga ra o Hurae
i te tau o to tatou Ariki Whangarei District. 1864 he Pukapuka tino hoko tino hoatu tino tuku whakaoti atu na matou na
nga Rangatira me nga Tangata o Ngatikahu o Ngatiwai hoki no ratou nga ingoa e
mau i raro Wananaki. nei a hei whakaatu tenei Pukapuka mo matou mo o matou whanaunga me o
matou uri mo te tuhituhinga o o matou ingoa ki tenei pukapuka i raro i te ra e
whiti nei kua whakarerea rawatia kua tino tukuna rawatia atu kia Wikitoria Kuini
o Ingarani ki ona uri ki nga Kingi ki nga Kuini o muri iho i a ia me ana me a
ratou e whakarite ai hei whakaritenga mo nga Pauna moni kotahi te rau (£100) E
rima tekau kua utua mai ki a matou e Te Herangi mo te Kuini (a e whakaaetia nei
e matou te rironga mai o aua moni) ko taua wahi whenua katoa kei Wananaki ko
Wananaki te ingoa o taua wahi whenua ko nga rohe kei raro i te Pukapuka nei e
mau ana te korero whakahaere ko te mapi hoki o taua whenua kua apititia ki
tenei. Me ona rakau me ona kowhatu me ona wai me ona awa nui me ona roto me ona
awa ririki me nga mea katoa o taua whenua o runga ranei o raro ranei i te mata o
taua whenua me o matou tikanga me o matou take me o matou paanga katoatanga ki
taua wahi; Kia mau tonu kia Kuini Wikitoria ki ona uri ki ana ranei e whakarite
ai hei tino mau tonu ake tonu atu. A hei tohu mo to matou whakaaetanga ki nga
tikanga katoa o tenei Pukapuka kua tuhituhia nei o matou ingoa me o matou tohu.
A hei tohu hoki mo te whakaaetanga o te Kuini o Ingarani mo tana wahi ki nga
tikanga katoa o tenei Pukapuka kua tuhia nei te ingoa o Te Herangi Kaiwhakarite
Boundaries. Whenua. Ko nga rohe enei o taua whenua ka timata i taha tahi i te moana
i raro o Okorora ka rere i te taha moana kei "motu tara" i konei ka hurihia i
roto i te awa o Wananaki rere tonu i roto o Wananaki ki te waha o te Parata a
witi atu i Waikare, tahi noa ki te raina i rere i uta haere tonu i runga i nga
rainai ruritia Te Herangi No Paparoa puta noa atu kei Okorora ka tutaki.
Tipene Hari.
Ko nga tangata i kite i te hoatutanga o nga moni me te tuhinga o nga
ingoa—
Henry C. Holman, Settler, Wangarei.
Will. N. Searancke, Dist. Comr.
Receipt for £50. Kua riro mai ki a matou i tenei ra i te 14th o nga ra o Hurae i te tau o
to tatou Ariki Kotahi mano e waru rau ono tekau ma wha (1864) nga Pauna moni E
rua tekau £20. E toru tekau pauna i riro mai ki au i mua (£50 . 0 . 0) Ko te
utu whakaotinga ki au tenei kua whakahuatia ki te Pukapuka tuku e mau i runga
ake nei kia utua mai ki a matou e Te Herangi mo te Kuini.
Tipene Hari.
Nga Kai titiro—
Henry C. Holman, Settler, Wangarei.
1864. 16 November. Kua riro mai ki au ma matou katoa nga tangata o tenei wahi i Wananaki
kua ruritia kua tuhi tuhia i runga nei nga pauna moni (£50) e rima tekau, ko
te tino utunga whakaotinga tenei ma matou katoa no te 16 o nga ra o Nowema
1864 i riro mai ai.Receipt for £50.
Na Hori Whehiwhehi.
Will. N. Searancke,
D.C.
Ko Komene Pouaka.