Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Ohuatahi Block (Thorn's Claim), Pataua, Whangarei District

Ohuatahi Block (Thorn's Claim), Pataua, Whangarei District.

1864. 29 April.Whangarei District.Tenei Pukapuka i tuhituhia i tenei te rua tekau ma iwa o nga ra o Apriera i te tau o to tatou Ariki 1864 he Pukapuka tino hoko tino hoatu tino tuku whakaoti atu na matou na Ohuatahi. nga Rangatira me nga Tangata o Te Waiariki no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukura rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni kotahi rau e rua tekau (£120) kua utua mai ki a matou e William N. Searancke mo te Kuini (a e whakaaetia nei e matou te rironga mai o aua moni) ko taua wahi whenua katoa kei Pataua ko Ohuatahi te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o William N. Searancke Boundaries. Kaiwhakarite Whenua. Ko nga rohe enei o taua whenua ka timata i Kowhaitai, ka rere i te taha tika o te Moana tae noho atu ki te Whangai i te ngutu awa o "Pataua" ka rere i roto i te awa o "Pataua" tae noho atu kei "Waiparera," ka rere i roto i te awa o "Waiparera" kei Whawharahi i konei ka huri whaka te hau raro ka rere i nga ara ruri tae noa ki te kaha o "Ohuatahi" i konei ka huri waka raro ka rere i nga ara ruri tae noa ki te awa o Kowhaitai rere tonu i roto taua awa tae noa ki te Moana ki te wahi i timata ai.

Hoani Papita Takahanga x his mark.
Haki Kopa x his mark.
Kamira x tona tohu.
Hohepa Mahanga x.

Hoera te Konikoni x tona tohu.
Makarini Hakiro x tona tohu.
Motuhinau x tona tohu.
Raha mango.
Watarau x tona tohu.

Ko nga tangata i kite i te hoatutanga o nga moni me te tuhinga o nga ingoa—

Pohe.
Hemara.
Will. N. Searancke, Dist. Commr.

Receipt for £120. Kua riro mai ki a matou i tenei ra i te 29 o nga ra o Apriera i te tau o to tatou Ariki Kotahi mano e waru rau ono tekau ma wha (1864) nga Pauna moni kotahi rau, e rua tekau (£120) Ko te utu tino whakaotinga tenei kua whakahuatia ki te Pukapuka page 169tuku e man i runga ake nei kia utua mai ki a matou e William N. Searancke mo te Kuini.

Raha mango.
Hone Papita takahanga.
Hohepa Mahanga.
Hoera te Konikonix.

Nga Kai-titiro—

Hemara.
Wiremu pohe.
Will. N. Searancke, Dist. Commr.