Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Mimiwhangata Block, Whangarei District

Mimiwhangata Block, Whangarei District.

Tenei Pukapuka i tuhituhia i tenei i te tahi (1st) o nga ra o Hepetema i te tau o to 1863. 1 September.Whangarei District. tatou Ariki 1863 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatiwai no ratou nga ingoa e mau i raro nei a hei Mimiwhangata. whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni erima tekau ma whitu me te tekau hereni kua utua mai ki a matou e Te Herangi mo te Kuini (a e whakaaetia nei e matou te rironga mai o aua moni) ko taua wahi whenua katoa kei tua mai o Whangaruru ko Mimiwhangata te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Herangi he Kaiwhakarite Whenua. Ko nga rohe enei o taua whenua ka timata i Rukuko, ka rere kei uta i te raina tona tikanga ko 102° 25'. ko te roa 625 o nga rinki (links) ka rere i tetahi raina 340°. 40'. 872 links te roa, ka rere Boundaries. [460 acres.] i tetahi raina 286°. 45'. 787 links te roa, i konei kua tae ki te repo, haere tonu te rohe i roto i te repo ki te awa ko te Rewa, haere tonu i roto i taua awa ki taha tahi ki te Moana, ka haere i te taha tika o te Moana a Kaituna, a Tarapata a Pongaheka a rere tonu kei Rukupo ki te wahi i timata ai te Rohe.

William N. Searancke.

Na hori whehiwhehi.
henare motatau.
Henare te moananui kau te awha.
Te rauanganga.
haki kopa.
Haehae.
he mitea.
Wiki Rihi.

Ko nga tangata i kite i te hoatutanga o nga moni me te tuhinga o nga ingoa—

Thomas Stewart.
parata.

Kua riro mai ki a matou i tenei ra i te tahi (1st) o nga ra o Hepetema i te tau o toReceipt for £57 . 10. Tatou Ariki Kotahi mano e waru rau e ono tekau ma toru (1863) nga Pauna moni e rima tekau ma whitu 10/- (£57 . 10 . 0.) Ko te utu tino whakaotinga tenei kua whakahuatia ki te Pukapuka tuku e mau i runga ake nei kia utua mai ki a matou e Te Herangi mo te Kuini.

ko Hori Whehiwhehi.
ko Henare Motatau.

Nga Kai-titiro—

Thomas Stewart.
parata.