Ruatangata Block, Wairua, Whangarei District.
Tenei Pukapuka i tuhituhia i tenei rua (2) o nga ra o Noema
i te tau o to tatou Ariki 1861. 2 November.Whangarei District. 1861 he Pukapuka tino hoko tino hoatu tino tuku whakaoti atu na matou na
nga Rangatira me nga Tangata o Ngatimanu raua ko Ngatihau no ratou nga ingoa e
mau i raro nei a hei whakaatu tenei Pukapuka mo matou mo o matou whanaunga me o
matou uri Ruatangata. mo te tuhituhinga o o matou ingoa ki tenei pukapuka i raro i te ra e
whiti nei kua whakarerea rawatia kua tino tukuna rawatia atu kia Wikitoria Kuini
o Ingarani ki ona uri ki nga Kingi ki nga Kuini o muri iho i a ia me ana me a
ratou e whakarite ai hei whakaritenga mo nga Pauna moni E toru rau taki tahi
£300—kua utua mai ki a matou e te Rokena mo te Kuini (a e whakaaetia nei e matou
te rironga mai o aua moni) ko taua wahi whenua katoa kei Whangarei kei Wairua ko
Ruatangata te ingoa o taua wahi whenua ko nga rohe kei raro i te Pukapuka nei e
mau ana te korero whakahaere ko te mapi hoki o taua whenua kua apititia ki
tenei. Me ona rakau me ona kowhatu me ona wai me ona awa nui me ona roto me ona
awa ririki me nga mea katoa o taua whenua o runga ranei o raro ranei i te mata o
taua whenua me o matou tikanga me o matou take me o matou paanga katoatanga ki
taua wahi; Kia mau tonu kia Kuini Wikitoria ki ona uri ki ana ranei e whakarite
ai hei tino mau tonu ake tonu atu. A hei tohu mo to matou whakaaetanga ki nga
tikanga katoa o tenei Pukapuka kua tuhituhia nei o matou ingoa me o matou tohu.
A hei tohu hoki mo te whakaaetanga o te Kuini o Ingarani mo tana wahi ki nga
tikanga katoa o tenei Pukapuka kua tuhia nei te ingoa o te Rokena Kaiwhakarite
Whenua. Ko nga rohe enei o taua whenua ka timata i Boundaries. [5,450 acres.] Wairau, i Okahanga, ka haere i runga o te ara ruri o te Penetana i te
ritenga o te kapehu—279°. 58'—7380 riki 282°. 24'—2641 riki ka tae ki te motu ki
Waipiu, ka haere i roto o te Wai o Waipiu ka tae ki Patuwairua, ka haere i roto
o taua Wai ka tae ki te ara ruri, ko tona ritenga 327°. 1'—8122 riki—171°.
33'—6001 riki ki Ruatangata 116°. 0' —13252 riki ka tae ki Wairua ka haere i
roto o te Wai o Wairua ka tutuki ki Okahanga, ki te timatanga.
John Rogan,
District Commissioner.
hori kingi tahua.
Epiniha Monariki.
ngamako patukohuru.
Erana Painoax tona tohu.
Ko nga tangata i kite i te hoatutanga o nga moni me te tuhinga o nga
ingoa—
Manihera, Kaiwakawa, Whangarei.
Will. N. Searancke, N. Dept.
Kua riro mai ki
a matou i tenei ra i te rua (2) o nga ra o Noema i te tau o to
Receipt for £300. Tatou Ariki Kotahi mano e waru rau e ono tekau ma tahi (1861) nga Pauna
moni E toru rau taki tahi (£300 . 0 . 0) Ko te utu whakamutunga tenei kua
whakahuatia ki te Pukapuka tuku e mau i runga ake nei kia utua mai ki a matou e
te Rokena (
John Rogan) Kaiwhakarite
Whenua mo te Kuini.
hori kingi tahua.
ngamako patukohuru.
Epiniha Monariki.
Erana Painoax tona tohu.
Nga Kai titiro—
Manihera, Kaiwakawa, Whangarei.
Will. N. Searancke, N. Dept.