Tenei Pukapuka i tuhituhia i tenei ra i te 23 o nga ra o te marama o Peperuere i te tau 1858. 23 February.Whangarei District o to tatou Ariki 1858 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Te Parawhau no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou Whauwhau. uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni kotahi rau kua utua mai ki a matou o John Grant Johnson mo te Kuini (a e whakaaetia nei e matou te rironga mai o aua moni) ko taua wahi whenua katoa kei Whangarei ko te Whau Whau te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu: A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o John Grant Johnson Kaiwhakarite Whenua. Ko nga rohe enei o taua whenua ka timata i te Pongatahi ka Boundaries. [1,348]. haere i runga i to raina kua oti te ruri, ki tahaki mai o te roto ka haere i runga i nga kaka ka marere ki te wai ki Wai tuia ka eke ka whati ki Paekahakaha haere tonu ki Whakatoatoa ka whati ka tutaki ki te whenua o Carruth ka haere i runga i te raina o te whenua o Carruth, ka hono ki te awa o Waiarohia a ka haere i roto i te awa o Waiarohia ki te wahi i timata ai kei Pongatahi ko te wahi tapu anake i Tararau e whakakapea Tararau Reserve. ana ki waho.