1875. 23 June.Whangarei District. Tenei Pukapuka i tuhituhia e tenei Rua tekau ma toru o nga ra o Hune (23 June) i te tau o to tatou Ariki 1875 he pukapuka tino hoko tino hoatu tino tuku whakaoti atu Purua. na matou na nga Rangatira me nga Tangatao Te Parawhau no ratou nga ingoa e mau i raro nei a hei whakaatu tenei pukapuka mo matou mo o matou whanaunga me o matou uri mo te tuhituhinga o o matou ingoa ki tenei Pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga pauna moni £1861 . 0 . 0 kua utua mai ki a matou e Te Henare Kepa mo te Kuini (a e whakaaetia nei e matou te rironga mai o aua moni) ko taua wahi page 129whenua katoa kei Whangarei ko Purua te ingoa o tana wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau, me ona kowhatu, me ona wai, me ona awa nui, me ona roto, me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi. Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei pukapuka kua tuhituhia nei o matou ingoa me o matou tohu. A hei tohu hold mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Henare Kepa Kaiwhakarite whenua. Boundaries. [15,410 acres.] Ko nga rohe enei o taua whenua ka timata i Taurakohia ka haere i runga i te raina o Wairua ki Mangemangeroa, Mangemangenui, Tikiahu, Ngaturepukunui, ka huri Te Repo-a-whara Puketurua, te uri o Mangakowhara, marere noa ki te awa o Wairua, ka rere i taua awa ki Punamatua, ka rere tonu tuhono noa ki te timatanga o te rohe. Otira kei te mapi o te Ruritaga te tino tikanga o te whenua ka oti nei. te hoko.