He Pukapuka tuku whenua tenei i tuhituhia ki Waimahanga i tenei ra i te waru o nga 1857. 8 June.Whangarei District. ra o Huni i te tau o to tatou Ariki kotahi mano waru rau rim a tekau ma whitu ko te whakaaetanga tenei o nga Rangatira me nga tangata noa iho o Ngapuhi o to hapu o Kaurihohore. Ngaitorongare kia tukua atu tetehi wahi o to matou whenua ki Whaugarei (ko Kaurihohore te ingoa nui o tenei kainga) ki te Kuini Wikitoria o Engarangi ki tona uri i muri i a ia Kingi Kuini ranei hei utu mo nga moni E rima rau ma rima tekau nga pauna. Koia tenei te whenua kua oti nei te mapi ki te taha o tenei pukapuka. Ka timata ki te Boundaries. [4,790 acres.] kaha o Paranui ka tika i roto i te awa o Mangakino a tika tonu i runga i te raina kua oti nei te para ki te awa o Mangahahuru a tika tonu i roto i taua awa ki te peka i Orai a puta noa ki te Repo nui o Wairua ka haere i te taha o te Repo ki Waihirere ka puta ki Kaurihohore ka tika ki runga i te raina ka tutaki ki te kaha o te whenua i hokona e matou ki a Mea a ka haere i runga i te kaha o te kainga o te Mea ki Paranui—ka mutu ki te wahi i timata ai te kaha. Na kua riro mai aua moni E rima rau ma rima tekau Receipt for £550 nga pauna £550 kia matou i tenei ra i te ringaringa o John Grant Johnson he kai whakarite mo te whenua o te tangata maori i Nui Tireni koia matou ka tuhituhi i o matou nei ingoa i tenei ra kua oti te tuhituhi i runga nei he tohu mo to matou whakaaetanga.