1857. 8 June.Whangarei District. He Pukapuka tuku whenua tenei i tuhituhia ki Waimahanga i tenei ra i te waru o nga ra o Huni i te tau o to tatou Ariki tahi mano ma waru rau ma rima tekau ma witu 1857. Parahaki. Ko te whakaaetanga tenei o nga Rangatira me nga tangata ano hoki o Ngapuhi o te Hapu o Ngaitorougare kia tukua atu tetehi wahi o to matou whenua ki Whangarei (ko Parahaki te ingoa nui o taua whenua) kia te Kuini Wikitoria o Engarangi ki ona Uri Kingi Kuini ranei i muri i a ia hei utu mo nga pauna moni E rua rau £200 koia tenei Boundaries. [4,481 acres.] ko te whenua kua oti nei te mapi ki te taha o tenei pukapuka. Ko nga rohe enei. Ka timata ki te kaha o te kainga o Dent kei te Awaroa ka haere te puaha o te Awaroa ki roto i te awa o Hatea e tika ana ke Ahipupu a ka haere tonu i roto i taua awa ki te raina e anga atu ki te marangai te rohenga atu ki Pehiawiri a ka haere tonu ka tutaki ki te rohe o Whareora a ka haere i runga i taua rohe ki Kahiwa ka haere i te rohe o te whenua i hokona e matou ki a te Gorrie a ka tutaki ki te rohe ki a Dent a tika tonu i runga i te kaha kia Dent ki te wahi i timata ai.

Portion reserved. Kotahi to matou wahi i roto i tenei kaha ko te wahi tapu kihai i pania ki te whero ki te mapi nei.

Receipt for £200. Na kua riro mai kia matou aua moni e rua rau pauna hei utu mo taua whenua ki a matou i te ringaringa o John Grant Johnson he kai whakarite mo te whenua o te tangata Maori i Nui Tireni koia matou ka tuhi i o matou nei ingoa i tenei ra i te 8 o Huni i te tau 1857 he tohu ma to matou whakaaetanga.