Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Maungakaramea No. 1 Block, Whangarei District

Maungakaramea No. 1 Block, Whangarei District.

1855. 5 October.Whangarei District. He Pukapuka tuku whenua tenei i tuhituhia ki Maraekura i tenei rangi i te rima o nga ra o te marama o Oketopa i te tau o to tatou Ariki kotahi mano waru rau ma rima tekau Maungakaramea No. I. ma rima 1855 Ko te whakaaetanga tenei o Ngaiporo o Ngaipo o Nga te Oenuku o te Mauuga Ungaunga o Ngatihaua o te Parawhau kia tukua atu tetahi wahi o to matou whenua ki a te Kuini Wikitoria o Ingarangi he utu mo nga pauna moni E rua mano e waru rau £2800.
Boundaries. Ko nga rohe enei o te Kainga ka tukua nei. Ka timata ki Tauoma ki te marere-tanga o te rohe o te tukunga o Maunga Tapere ki te Moana ka haere i runga i te rohe o Maunga Tapere Wanauroa Pukeatua Kotuki ka anga ki te tonga ka haere ki roto i te awa o Torengaua ki te puaretanga ki roto ki te awa o Waiotama ka haere i roto i te awa tae noa te puwaha o Kaitarau tae noa ki te puwaha o te Wai o Hurua ka haere i roto i te Wai o Hurua ka mahue te kouru o te awa ka haere i raro o Tangihua te rohe ka haere tonu Pukemapau ka haere tonu Hurua a ka marere ki te wai o Tauraroa ka anga te rohe ki te marangai ka haere tonu te rohe i roto i te awa o Tauraroa ki Papakarangia ka mahue te awa ka piki ki te pito o Mahakitai ka heke ki te kouru o Hira aute ki Paurairi ka haere i te awa o Hira aute a haere tonu i roto i taua awa tae noa ki Tauoma ki te wahi i timata ai te kaha. E whakaae ana hoki matou kia tukua nga mahinga i kapea i tera hokonga i te taha o te awa Otaika kua oti nei te ruri.
Receipt for £2,000. Kua riro mai ki a matou i te ringaringa o te Honiana (John Grant Johnson) i tenei ra e rua mano pauna o taua moni £2000 koia matou ka whakaae kia tukua rawatia tenei whenua ki a te Kuini Wikitoria o Ingarangi ki ona uri Kingi Kuini ranei o muri i a ia ake tonu atu taua whenua me ona puke ngahere rakau kowhatu pari wai roto awa tarutaru me nga aha noa iho o taua whenua he utu mo aua moni e rua mano waru rau pauna koia matou ka tuhituhi i o matou nei ingoa ki tenei pukapuka i tenei ra i te rima o Oketopa i te tau 1855.

Te Tirarau x.
Te Ahiterenga x.
Na Kaiapa x.
Te Manihera Tahi.
Arama Karaka Whetekia x.
Te Puku x.
Te Toka x.
Maihi Tuhi x.
Na Taurau x.
Na Hohepa x.
Ko te Toko.
Na Tito x.
Na Eruera.
Pita x.
Na Rameka x.
Na Paraone Tirarau x.
Na Hoera x.
Te Ngere x.

He mea tuhituhi nga ingoa o nga kai whakaae ki te aroaro o—

John Grant Johnson, Commissioner for the purchase of N. Lands.