Ko te pukapuka tuku whenua tenei i tuhituhia ki Tamaterau i tenei rangi i te tekau 1855. 13 July.Whangarei District. ma toru o nga ra o te marama o Hurai i te tau o to tatou Ariki kotahi mano waru rau ma rima tekau ma rima ko te whakaaetanga tenei o matou o Wiremu Eru Pohe o Tipene Manaia. Hari o Hirini Taiwhanga o Hinewaru kia tukua atu tetahi wahi o to matou whenua kia te Kuini Victoria o Ingarangi ki ona uri Kingi Kuini ranei i muri i a ia ake tonu atu Receipt for £200. hei utu mo nga pauna moni e rua rau (£200) e homai ana ki roto i o matou nei ringa-ringa e te Honiana tetahi o nga Kai whakarite whenua mo te Kawana o Nui Tireni. Ko Boundaries. [5,365 acres.] nga rohe tenei o taua whenua ka timata ki te awa ki Wakamaru ki te kaha o Taurikura i hokona e matou i mua ki a te Mair ka haere tonu ki runga i taua kaha ka puta ki tua ki te Puke-hungarere ka haere i runga i te akau ki te Tohora ka anga ki roto ki Whangarei ka puta ki te Kakaho ka anga ki waho i roto i te awa o Whangarei ka haere Opango Pouewe a tutuki noa ki te Wakamaru te wahi i timata ai te rohe nei. Ka whakarerea rawatia tenei whenua o matou kia te Kuini Victoria me ona awa roto pari kowhatu rakau me nga aha noa iho i runga i raro o taua whenua koia matou ka tuhituhi i to matou ingoa i tenei rangi ka oti nei te maka ki runga i tenei pukapuka.