1855. 31 January.Whangarei District. He pukapuka tuku whenua tenei, i tuhituhia kei Whangarei i te toru tekau ma tahi o nga ra o Hanuere i te tau o to tatou Ariki, ko tahi mano, waru rau, ma Maungatapere. rima tekau ma rima 1855, he pukapuka tuku whenua ia, na matou, na nga rangatira, me nga tangata, nona nga ingoa e mau ana ki tenei pukapuka, ko te whakaaetanga tenei o matou, mo matou ake, mo a matou whanaunga, mo a matou huanga, mo a matou tamariki, a muri i a matou, kia tukua rawatia tetehi wahi o to matou whenua kia te Kuini Wikitoria o Ingarangi, ki nga Kingi, Kuini ranei a muri ake i a ia ake tonu atu, hei utu mo nga Receipt for £1,500. pauna moni kotahi mano, e rima rau £l,500, kua riro mai ki o matou nei ringaringa i a Te Honiana (John Grant Johnson) tetehi kai Wakarite whenua mo te Kawanatanga o Boundaries. Nui Tireni, i tenei rangi kua oti te tuhituhi nei. Ko nga rohe enei o te whenua ka tukua nei, ka timata ki Motu Kiwi, ki te puwaha o te awa Otaika, ka anga ki te hauauru, i roto i te awa Otaika, ki te puaretanga o te awa o Puwhero, ka rere tonu ki roto i te awa, Te Karanga, ka rere tonu, Mangawheki, ka rere Kai Kuihi, ka mahue te awa, ka rere ki runga i te rarauhe, ka tomo te ngahere, ka puta, ka haere i runga i te mania onekura, ki te pou ki runga i te pukekowhatu, ka rere te taha o te ngahere, Te Ahimate, ka rere te ngahere te Kauri i tohutohungia ki te maka o te Kuini, ka rere te rata nui, ka rere Whatakai, ka puta ki te roto ti, ka anga ki te tonga, ka rere i roto i te awa o te Kumete, a taea noatia te ritenga ki Otuhi, ka nawe ka anga ki te Marangai, ka rere Otuhi ka rere Ngapuketurua, ka rere Puke Atua ka rere Whanauroa, ka rere Touhokia, ka rere Te Ngako, ka rere Tauoma, ka puta ki te moana, ki te tino awa o Whangarei, ka rere te Tokitoki, ka rere Onemama, ka rere Motu Kiwi, a tutuki noa ki te awa o Otaika, te wahi i timata ai.

Two places excepted, Motukiwi and Otaika. E rua nga wahi ka kapea ki waho mo matou i roto i enei rohe, ko te tapu ki Motu Kiwi, ko nga mahinga ki Otaika, kua oti enei wahi te maka ki te pou e Te Honiana. Koia matou ka whakarerea, ka tukua rawatia tenei wahi o to matou whenua ki a te Kuini Wikitoria o Ingarangi, Awa, Roto, wai maori, tarutaru, rakau, kowhatu, pari, me nga ahatanga katoatanga, ki runga ki raro o taua whenua, koia matou ka tuhituhi i o matou nei ingoa ki raro nei.