1865. 28 September.Bay of Islands District.Tenei Pukapuka i tuhituhia i tenei ra i te 28 o nga ra o Hepetema i te tau o to tatou Ariki 1865 he Pukapuka tino hoko tino hoatu tino tuku whakaoti atu na matou na Kiripaka. nga Rangatira me nga Tangata o "Ngatirehia" no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni £143 . 5 . 0 . kua utua mai ki a matou a Te Henare Kepa mo te Kuini (a e whakaaetia nei e matou te rironga mai o aua moni) ko taua wahi whenua katoa kei Pewhairangi ko Te Kiripaka te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua page 75whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua wlienua o runga ranei o raro ranei i te mata o tana whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Henare Kepa Kaiwhakarite Whenua. Ko nga rohe enei o taua whenua ka timata i te Pou o ta te Boundaries. Kereama, ka rere i runga o te Raina ahu whakararo, tuhono noa ki ta te Kingi, ka rere i runga o ta te Kingi a pa noa ki te wai o "Rangitane" ka rere i te wai a pa noa ki te kalia o ta te Kawanatanga, ka rere, pa noa ki te pou timatatanga, oti kei te Mapi o te Ruritanga te tino whakamaramatanga o nga kaha o tenei pihi whenua, ka oti nei te tuku.

Kua riro mai ki a matou i tenei ra i te 28 o nga ra o Hepetema i te tau o to Receipt for £143 . 5 . tatou Ariki Kotahi mano e waru rau ono tekau ma rima (1865) nga Pauna moni Kotahi Rau wha tekau ma toru 5/. (£143 . 5 . 0) Ko te utu tenei kua whakahuatia ki te Pukapuka tuku e mau i runga ake nei kia utua mai ki a matou e Te Henare Kepa mo te Kuini.