The "Wahi Tapu," Hikuwai Block, Kororareka, Bay of Islands District.
1864. 21 September.Bay of Islands District.Tenei Pukapuka i tuhituhia i tenei 21 ma tahi o nga ra o
Hepetema i te tau o to tatou Ariki 1864 he Pukapuka tino hoko tino hoatu tino
tuku whakaoti atu na matou na nga Rangatira me nga Tangata o "Ngapuhi," no ratou
nga ingoa e mau i raro nei a hei Wahi Tapu, Kororareka. whakaatu tenei Pukapuka mo matou mo o matou whanaunga me o matou uri mo
te page 69tuhituhinga o o matou ingoa ki
tenei pukapuka i raro i te ra e whiti nei kua whakarerea rawatia kua tino tukuna
rawatia atu kia Wikitoria Kuini o Ingarani ki ona uri ki nga Kingi ki nga Kuini
o muri iho i a ia me ana me a ratou e whakarite ai hei whakaritenga mo nga Pauna
moni E Rima tekau kua utua mai ki a matou e Te Henare Kepa mo te Kuini (a e
whakaaetia nei e matou te rironga mai o aua moni) ko taua wahi whenua katoa kei
Kororareka ko "Te Hikuwai" te ingoa o taua wahi whenua ko nga rohe kei raro i te
Pukapuka nei e mau ana te korero whakahaere ko te mapi hoki o taua whenua kua
apititia ki tenei. Me ona rakau me ona kowhatu me ona wai me ona awa nui me ona
roto me ona awa ririki me nga mea katoa o taua whenua o runga ranei o raro ranei
i te mata o taua whenua me o matou tikanga me o matou take me o matou paanga
katoatanga ki taua wahi; Kia mau tonu kia Kuini Wikitoria ki ona uri ki ana
ranei e whakarite ai hei tino mau tonu ake tonu atu. A hei tohu mo to matou
whakaaetanga ki nga tikanga katoa o tenei Pukapuka kua tuhituhia nei o matou
ingoa me o matou tohu. A hei tohu hoki mo te whakaaetanga o te Kuini o Ingarani
mo tana wahi ki nga tikanga katoa o tenei Pukapuka kua tuhia nei te ingoa o Te
Henare Kepa Kaiwhakarite Whenua. Ko nga rohe enei o taua whenua koia ia, ko te
tino o te "Wahi Tapu," a ko nga kaha koia, Boundaries. kei te Mapi ka oti nei te apiti ki te taha o te pukapuka nei.
Kua riro mai ki a matou i tenei ra i te 21 o nga ra o Hepetema i te tau Receipt for £50. o to tatou Ariki Kotahi mano e waru rau ono tekau ma wha (1864) nga
Pauna moni E Rima tekau (£50. 0. 0.) Ko te utu tenei kua whakahuatia ki te
Pukapuka tuku e mau i runga ake nei kia utua mai ki a matou e E Te Henare Kepa
mo te Kuini.
ma ngo nui re wa.
ho ri ta hua.
hikuai.
Na Tamati Waka Nene x.
natango.
H. T. Kemp,
Dist.
Comr.
Nga Kai-titiro—
Robert Clapham Barstow, R.M., Russell.J. H. Greenway, Clerk R.M. Court, Russell.
ri Wi tete, of Kaikohe.