1864. 11 June.Bay of Islands District.Tenei Pukapuka i tuhituhia i te tekau ma tahi o nga ra o Hune, i te tau o to tatou Ariki 1864 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o "Nga Tiheno, o Nga Timanu" no ratou nga ingoa e mau i Ruapekapeka. page 67raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E Toru mano E Waru rau kua utua mai ki a matou e Te Henare Kepa mo te Kuini (a e whakaaetia nei e matou te rironga mai o aua moni) ko taua wahi whenua katoa kei roto o Te Kawa Kawa. Ko Te Ruapekapeka te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Henare Kepa Kaiwhakarite Whenua. Ko nga rohe enei o taua whenua ka timata Boundaries. i Otuihu i te Pa o Pomare, mei reira ka ahu whakatetonga, ka rere haere i runga o te [24,150 acres.] Raina o te Kai Ruri, a whiti noa i te awa o Te Karetu, ka rere tonu i te tonga te Raina, a pa noa ki te tino o Te Ruapekapeka, ka rere tonu i runga o te Raina, a pa noa ki Waiomio, ka rere i te hauauru a Te Oro, a Te Hautapu pa noa ki Otiria, ki te kaha hou, tuhono noa ki te whenua o Te Kawa Kawa i tukua i mua; Oti, kei nga Mapi nei te tino tikanga o nga Kaha:

Na, E Rua pihi nonohi i waho mai i te wahapu o Te Karetu, ka oti inaianei te tuku Kaiwaka and Te Maire included. ki roto o te pihi Kawana Ko Kaiwaka—19 eka—Ko te Maire—11 eka:

Kua riro mai ki a matou i tenei ra i te te tekau ma tahi o Receipt for £3,800. nga ra o Hune i te tau o to Tatou Ariki Kotahi mano e waru rau e ono tekau ma wa (1864) nga Pauna moni E Toru mano e Waru rau (£3800. 0. 0) Ko te utu tenei kua whakahuatia ki te Pukapuka tuku e mau i runga ake nei kia utua mai ki a matou e Te Henare Kepa mo te Kuini.