Taraire No. 2 (Additional) Block, Bay of Islands District.
1862. 19 February.Bay of Islands District.Tenei Pukapuka i tuhituhia i tenei ra i te 19th o nga ra o
Pepueri i te tau o to tatou Ariki 1862 he Pukapuka tino hoko tino hoatu tino
tuku whakaoti atu na matou na nga Rangatira me nga Tangata o "Ngaitupango" no
ratou nga ingoa e mau i raro nei a hei Taraire No. II. whakaatu tenei Pukapuka mo matou mo o matou whanaunga me o matou uri mo
te tuhituhinga o o matou ingoa ki tenei pukapuka i raro i te ra e whiti nei kua
whakarerea rawatia kua tino tukuna rawatia atu kia Wikitoria Kuini o Ingarani ki
ona uri ki nga Kingi ki nga Kuini o muri iho i a ia me ana me a ratou e
whakarite ai hei whakaritenga mo nga Pauna moni Kotahi Rau kua utua mai ki a
matou e Te Henare Kepa mo te Kuini (a e whakaaetia nei e matou te rironga mai o
aua moni) ko taua wahi whenua katoa kei Pewhairarigi ko te "Taraire" te ingoa o
taua wahi whenua ko nga rohe kei raro i te Pukapuka nei e mau ana te korero
whakahaere ko te mapi hoki o taua whenua kua apititia ki tenei. Me ona rakau me
ona kowhatu me ona wai me ona awa nui me ona roto me ona awa ririki me nga mea
katoa o taua whenua o runga ranei o raro ranei i te mata o taua whenua me o
matou tikanga me o matou take me o matou paanga katoatanga ki taua wahi; Kia mau
tonu kia Kuini Wikitoria ki ona uri ki ana ranei e whakarite ai hei tino mau
tonu ake tonu atu. A hei tohu mo to matou whakaaetanga ki nga tikanga katoa o
tenei Pukapuka kua tuhituhia nei o matou ingoa me o matou tohu. A hei tohu hoki
mo te whakaaetanga o te Kuini o Ingarani mo tana wahi ki nga tikanga katoa o
tenei Pukapuka kua tuhia nei te ingoa o Te Henare Kepa Boundaries. Kaiwhakarite Whenua. Ko nga rohe enei o taua whenua ka timata i Te Rapa
o te awha, i te wai nui o Te Taraire—ka rere te Waitukuhuruhuru, Titapahoria—te
Puatokotu, te whanaunga o Porohe, ka tae ki te kaha o te whenua o te Hapa
(Shepherd), ka koki i konei, ka rere, tika tonu i runga i te kaha a te Hapa, tae
noa ki te Wainui o Te Taraire, ka rere haere i roto i taua wai, tuhono noa ki te
Rapa o te awha, ki te timatanga mai o te kaha, otira, kei te mapi o te Ruritanga
te tino tikanga o nga Kaha o te whenua e apiti nei.
Receipt for £100. Kua riro mai ki a matou i tenei ra i te 19 o nga ra o Pepueri i te tau o
to Tatou Ariki Kotahi mano e waru rau e ono tekau ma rua (1862) nga Pauna moni
Kotahi Rau (£100 . 0 . 0) Ko te utu tenei kua whakahuatia ki te Pukapuka tuku e
mau i runga ake nei kia utua mai ki a matou e Te Henare Kepa mo te Kuini.
Ki Ngi Ho Ri Ki Ra.
Kahiwai X.
Whare Ngere X Na Kira.
Tarawau.
Hone Pororua X.
H. T. Kemp.
Nga Kai-titiro—
Hona.
Pirika, of Waimate.
H. T. Kemp, J.P.