Tenei Pukapuka i tuhituhia i tenei Te 14th o nga ra o Hanueri i te tau o to tatou Ariki 1862. 14 January.Bay of Islands District. 1862 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o "Ngaitawake" no ratou nga ingoa e mau i raro nei a hei whakaatu Bay of Islands District. tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei Pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni Kotahi Rau e ono tekau ma rima kua utua mai ki a matou e Te Henare Kepa mo te Kuini (a e whakaaetia nei e matou te rironga mai o aua moni) ko taua wahi whenua katoa kei Kororareka, kei te taha o te pihi o Hori Kuku ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi o ki nga tikanga katoa o tenei Pukapuka kua tuhia nei te ingoa o Te Henare Kepa Kaiwhakarite Whenua. Ko nga rohe enei o taua whenua Koia enei, kua oti nei te tino whakamarama ki te Mapi Bay of Islands District. o te Ruritanga o aua pihi, e apiti nei i tenei pukapuka, a kua oti nei te meheua e Te Kai Ruri Whenua.

Kua riro mai ki a matou i tenei ra i te 14th o nga ra o Hanueri i te tau o to Tatou Receipt for £165. Ariki Kotahi mano e waru rau e ono tekau ma rua (1862) nga Pauna moni Kotahi rau e ono tekau ma rima (£165 . 0 . 0) Ko te utu tenei kua whakahuatia ki te Pukapuka tuku e mau i runga ake nei kia utua mai ki a matou e e Te Henare Kepa mo te Kuini.