Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Te Wharau Block, at Te Kerikeri, Bay of Islands District

Te Wharau Block, at Te Kerikeri, Bay of Islands District.

1860. 21 January.Bay of Islands District.Tenei Pukapuka i tuhituhia i tenei ra i te 21 o nga ra o Hanueri i te tau o to tatou Ariki 1860 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngapuhi no ratou nga ingoa e mau i raro nei a hei whakaatu Te Wharau. tenei Pukapuka mo matou mo o matou whanaunga me o matou uri mo te tuhi-tuhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki on a uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni Kotahi tekau kua utua mai ki a matou e Te Henare Kepa mo te Kuini (a e [unclear: whakaaetia] nei e matou te rironga mai o aua moni) ko taua wahi whenua katoa kei Te Keri Keri ko Te Wharau te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau mo ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga [unclear: tikanga] katoa o tenei Pukapuka kua tuhituhia nei o matou ingoa me o matou tohu. A hei tohu page 59hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Henare Kepa Kaiwhakarite Whenua. Ko Boundaries. nga rohe enei o taua whenua ka timata i te Wahapu o te wai o Pihoi—ka rere i te awa o te Keri Keri tae ki Karaipaua, mei i reira ka ahu ki uta tae noa ki te maunga ki Pukekaititi ka rere te keringa o te wai o Pihoi, ka whakatau haere i taua wai marere noa ki te Wahapu ki te timatanga.
Kua riro mai ki a matou i tenei ra i te 21 o nga ra o Hanueri i te tan o to Tatou Receipt for £10. Ariki Kotahi mano e waru rau e ono tekau (1860) nga Pauna moni Kotahi tekau (£10) Ko te utu tenei kua whakahuatia ki te Pukapuka tuku e mau i runga ake nei kia utua mai ki a matou e Te Henare Kepa mo te Kuini.

Naku na tango hiku wai.
H. T. Kemp,
Dist. Commr.

Ngo Kai-titiro—

na Kere nene.
pe Wae.