1859. 28 Januarry..Bay of Islands District.Tenei Pukapuka i tuhituhia i tenei ra i te 28th o nga ra o Hanueri i te tau o to tatou Ariki 1859 he Pukapuka tino hoko tino hoatu tino tuku whakaoti atu na matou na nga Mokau. Rangatira me nga Tangata o te Hapu o "Ngatiwhiu" no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E Rua rau e wha tekau (£240) kua utua mai ki a matou e Te Henare Kepa mo te Kuini (a e whakaaetia nei e matou te rironga mai o aua moni) ko taua wahi whenua katoa kei ko atu o Te Waimate ko Mokau te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa Boundaries. o Te Henare Kepa Kaiwhakarite Whenua. Ko nga rohe enei o taua whenua ka timata i te "Kete Tawa," ka rere i te raina, a, Nga "Hine-a-Ra Kumea," ka rere ka haere tonu i runga i te raina a Te Karaka, a, pa noa ki te "Rimu Wakataratara," rere tonu i runga i te raina a "Tawauakara," ka whawhati, a "Pe Ko Rau Whakato," "Pukepoto," "Ngamahanga," ka rere i runga i te kaha a Te Orsmornd a "Te Horomarama," ka rere i runga i te raina, a tuhono noa ki te timatanga o te kaha i te "Kete Tawa," i roto pu o tenei Mapi apiti;

Reserve for Ngatiwhin. A e rua rau eka o tenei whenua e tukua hei mahinga, hei nohoanga mo nga Rangatira me nga tangata katoa o "Ngatiwhiu" ake tonu atu; ko taua whenua me ruri e matou, [200 acres.] a, ma te Henare Kepa e tohutohu.