1871. 16 May.Bay of Plenty District.Tenei Pukapuka i tuhituhia i tenei tekau ma ono o nga ra o Mei i te tau o to tatou Ariki 1871 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o te Pirirakau o Ngatihinerangi no ratou nga ingoa Te Puna And Katikati No. 5. e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei Pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o page 642Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni e wha rau e whitu tekau ma tahi kua utua mai ki a matou e Henry T. Clarke mo te Kuini (a e whakaaetia nei e matou te rironga mai o aua moni) ko taua wahi whenua katoa kei te Takiwa ki Tauranga ko Te Puna ko Katikati nga ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki ngn tikanga katoa o tenei Pukapuka kua Boundaries. tuhituhia nei o matou ingoa me o matou tohu [gap — reason: illegible]ai hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Henry T. Clarke Kaiwhakarite Whenua. Ko nga rohe enei o taua whenua ka timata i Ngakuriawhare ka rere Wangaere ka rere Oteotahi ka rere te Whare o tumapere ka rere te Onepu ka rere Waimata kai rete Ngapuketurua ka rere te Whakahaka o Rangihau ka rere te One whero ka rere te Huruhuru ka rere Pukekauri ka rere Mangahokio ka rere Kakarikikaitahi ara ki te Aroha a uta ka rere ki te tonga Pukekohatu ka rere Ngatukituki a Hikawera ka rere Pukewhakataratara ka rere te Tuahu ka rere Motutapere ka rere Mangakahika ka rere Ngatamahinerua ka rere Hanga ka rere te Rekerekekautere ka rere Mangakaiwhiria katahi ka whati mai whaka te moana Te Umu o Korongaehe ka rere te Ranga ka rere Pukemanuka ka rere te Puna ka tahi ka haere i te tahataha moana a Ngakuriawhare te rohe o te timatanga. Ko nga rohe tenei o te whenua i tukua e Ngaiterangi kia te Kuini, ara ki te Kawanatanga.

Receipt for £471. Kua riro mai i a matou i tenei tekau ma ono o nga ra o Mei te tau kotahi mano e waru rau e whitu tekau ma tahi i a Te Karaka (Henry Tacy Clarke) nga moni e wha rau e whitu tekau ma tahi pauna £471 he ritenga mo a matou paanga mo a enei hapu e toru mo te Pirirakau mo Ngatihinerangi mo Ngatitokotoko ki te whenua i tukua e Ngaiterangi katoa ki te Kawanatanga ko nga rohe o taua whenua me te ahua e mau ake nei.