Tenei Pukapuka i tuhituhia i tenei te toru o nga ra o Hepetema i te tau o to tatou 1866. 3 September.Bay of Plenty District. Ariki 1866 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatimaru o Ngatitamatera no ratou nga ingoa e mau Te Puna And Katikati No. 4. i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei Pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni Kotahi mano kotahi rau e toru Price, £1,130. tekau kua utua mai ki a matou e Tiemi Make (J. Mackay, Jr.) mo te Kuini (a e page 636whakaaetia nei e matou te rironga mai o ana moni) ko taua wahi whenua katoa kei te takiwa ki Tauranga ko te Puna, ko Katikati nga ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o maton tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Tiemi Make Kaiwhakarite Whenua Ko nga rohe enei o taua whenua ka timata i Ngakuriawhare ka rere Waingaere, ka rere Oteotahi, ka rere Te whare o tumapere, karere te Onepu, ka rere Waimata, ka rere Ngapuketurua, ka rere te Whakahakahakaorangihau, ka rere te Onewhero, ka rere Huruhuru, ka rere Pukekauri, ka rere Mangahokio, ka rere Kakarikikaitahi (ara ki te Aroha auta) katahi ka rere ki te tonga Pukekohatu, ka rere Ngatukitukihikawera, ka rere Pukewhakakataratara, ka rere te Tuahu, ka rere Motutapere, ka rere Mangakahika, ka rere Ngatamahinerua, ka rere Haanga, ka rere te Aroaro-o-paretapu, ka rere te Rekerekeokautere, ka rere Mangakaiwhiria, katahi ka whati mai whaka te moana te Umuokorongaehe, ka rere te Ranga, ka rere Pukemanuka, ka rere te Puna katahi ka haere i te tahataha moana a—Ngakuriawhare te rohe o te timatanga.

Kotahi piihi whenua kua whakahokia kei Pukewhakataratara ko te Wahi Tapu ko te nui o taua wahi e rima tekau (50) eka. Kotahi piihi kei te Tiroa kei te Wahi Tapu ko te nui e rima (5) eka. Kotahi piihi kei te paewai ko te Wahi Tapu ko te nui e rima (5) eka. Kotahi piihi kei Takaihuehue e rima (5) nga eka. Kotahi piihi kei Ngatukitukiahikawera e rima nga eka. Kotahi piihi kei Tangitu e rima nga eka.