1866. 14 August.BayofPlenty District.Tenei Pukapuka i tuhituhia i tenei te tekau ma wha (14) o nga ra o Akuhata i te tau o to tatou Ariki 1866 he Pukapuka tino hoko tino hoatu tino tuku whakaoti atu na Te Puna And Katikati No. 2. matou na nga Rangatira me nga Tangata o te Tawera o Ngatipukenga no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E rima Rau (£500 . 0 . 0) kua utua mai ki a matou e Tiemi Make mo te Kuini (a e whakaaetia nei e matou te rironga mai o aua moni) ko taua wahi whenua katoa kei Tauranga ko Tauranga te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Tiemi Boundaries. Make Kaiwhakarite Whenua. Ko nga rohe enei o taua whenua ka timata i Ngakuriawhare, haere maro tonu ki te tihi o te Aroha auta rere tonu i runga i taua pae maunga tae noa ki Puwhenua, ka whati i kona haere maro tonu ki te matapuna o te Awa o Waimapu heke tonu i taua awa ki Whanganui-a-rakau, ka piki i te Tutu, ka heke ki Ngatoropeke, ka rere i te awa o Waimapu tae noa ki te moana a rere tonu i te tahataha Grants to Paroto and others. moana Ngakuriawhare te wahi i timata ai. Ka whakahokia atu ki a Paroto Tawhiorangi e rima tekau (50) eka, ki a Ruka Huritaupoki raua ko te Riritahi e rima tekau (50) eka, kotahi piihi whenua i te Taone i te Papa ki a Paroto Tawhiorangi, kotahi hoki piihi whenua i taua taone ki a Ruka Huritaupoki raua ko Te Riritahi.