1857. 5 February.Bay of Plenty District.He pukapuka hokohoko tenei i tetahi wahi whenua i Whare Kahu Maketu ko te whenua ka tukua atu nei kei te taha ki te tonga o te whenua a Boundaries. [2a. 2r. 27p.] Te Kuini i hokona i te tau Wharekahu. 1844 i utua e te Hoterene (Mr. Shortland) Ko nga rohe enei ka haere mai i runga i to te Kuini i te piko o taua rohe i te taha o to Ngatikereru whenua ka tika whaka te Hauauru 2 21 o te Meka Meka (221, links) ka timata te rohe o te pihi ka hokona nei i te rua e tuwhera nei ka whai tohungia nei ki te A i te tuhituhi whakaahua whenua i te taha o tenei pukapuka ka rere whaka te tonga-hauauru te rohe 1.45 o te mekameka 145 links e tuwhera nei te rua e whai tohungia nei E i te whakaahua ka hoki i konei ka rere whaka te Hauauru te rohe tuku noa ki te awaawa repo ka tika i waenganui o te repo tutaki noa ki te rohe i to te Kuini whenua ki te wahi e whai tohungia H i te whakaahua ka koki ka rere whaka te muri haere tonu i runga i te rohe o to te Kuini 98 o te mekameka (98 links) ka tae ki te koki i taua rohe I te taha o te repo ka whawhati mai ka rere i runga i taua rohe whaka te marangai ma tonga tutuki noa ki te wahi timatanga i te rohe e whai tohungia nei ki te A i runga i te whakaahua. Heoi ano.

Ka tukua rawatia atu e ahau e Tohi Te Ururangi ki a Wikitoria Kuini o Ingarani mo ake tonu atu taku wahi whenua ka oti nei nga rohe te korero i runga ake nei. E rua eka e rua rua e rua tekau ma whitu pooro (2 acres 2 roods 27 poles) te nui o tenei whenua Receipt for £1 . 10 . 0. ko te utu ka homai ki au Kotahi pauna kotahi tekau hereni (£1 . 10 . 0) ko tenei moni kua homai e te Mete (Mr. Smith) Kai whakawa o Rotorua i tenei ra i te tuarima o nga ra o Pepuere i te tau 1857 i Maketu. A ka tuhituhia e maua o maua ingoa ki tenei pukapuka hei whakapumau i nga korero o roto.