1855. 1 January.Mokau District.Tenei pukapuka tuku whenua e tuhitunia nei i tenei ra i te tahi o nga ra o Hanuere i te tau o to tatou Ariki kotahi mano e waru rau e rima tekau ma rima (1855) He Taumatamaire. pukapuka tino whakaae pono na matou na nga Rangatira me nga tangata o Ngatimaniapoto e man nei nga ingoa ki tenei pukapuka mo matou mo o matou whanaunga me o matou uri e whanau i muri iho i a matou kia tino tukua rawatia tetahi wahi o to matou kainga ki a Wikitoria te Kuini o Ingarini ki nga Kingi Kuini ranei o muri iho i a ia ake tonu atu. A mo to matou tino whakaaetanga kia tukua tenei wahi o to matou kainga e whakaae ana a Wikitoria te Kuini o Ingarini mona kia utua matou ki nga pauna moni E rima rau takitahi (£500) ko aua moni kua riro Receipt for £500. mai ki o matou ringaringa i tenei ra na te Rokena i homai. Ka timata te rohe o te whenua ki Mangakahikatea ka haere Boundaries. [24,000 acres.] whakauta puta noa ki te Manganui ka haere i roto i te wai iti he manga no te Manganui ka haere i runga o te hiwi ka haere maro tonu atu ki te Pari kohatu ki Herangi ka maro haere atu ki te mata wai o Rauroa ka haere i roto o te wai o Rauroa puta noa mai ki Awakino ka haere i roto o te wai o Awakino puta noa mai ki te kongutuawa o te Manganui ka haere i roto o te wai o Manganui puta noa ki Mangakahikatea ka haere i roto o te wai o Mangakabikatea page 628tae noa ki te wahi kua oti te paopao nga rakau ka tutaki nga rohe ki reira. Kotahi te Reserve at Piripiri. wahi hei nohoanga mo matou hei tauranga waka hoki mo nga tangata o te tua whenua—kei te Piripiri. Ka timata te rohe o taua whenua ki te piko o te wai o Awakino ka haere ki Mangakawakawa ka haere i roto o te wai o Mangakawakawa ka haere ki runga ki te puke ka haere ki Awakino i utu atu o te huarahi ki Ruakaka. Heoi rawa te wahi mo matou ki roto I enei whenua kua oti nei i a matou te tino tuku atu ki a Wikitoria te Kuini o Ingarini i tenei ra e whiti nei ake tonu atu me ona manga me ona wai me ona rakau me ona kohatu me nga mea katoa o runga ranei o te whenua o raro ranei o te whenua me nga aha noa iho o taua whenua koia tenei ka oti nei i a matou ake tonu atu. Ko te ara ruri nui o te Kuini e tukua e matou kia haere ki te wahi kua whakatapua mo matou i te wa e ruritia ai taua ara. Heoi rawa nga utu mo tenei whenua koia enei ko nga rau E rima (£500) kua riro mai ki a matou i tenei ra. A mo to matou whakaaetanga ki nga tikanga katoa o roto i tenei pukapuka ka tuhia iho o matou ingoa me o matou tohu. A mo te whakaaetanga o te Kuini o Iugarani mona ki nga tikanga katoa o roto i tenei pukapuka ka tuhia iho te ingoa o te Makarini te Kai whakarite whenua o te Kawauatanga o Nui Tireni e te Rokena.