Aotea Block, Aotea District.
1854. 6 June.Aotea District.Tenei pukapuka tuku whenua e tuhituhia nei i tenei ra i te
ono (6) o nga ra o Aotea. Hune i te tau o to tatou Ariki kotahi mano e waru rau e rima tekau ma
wha (1854) He pukapuka tino whakaae pono na matou na nga rangatira me nga
tapgata o Aotea mo matou mo a matou whanaunga kia tino tukua rawatea tetahi wahi
o to matou kainga ki a Wikitoria te Kuini o Ingarani nga Kingi Kuini ranei o
muri iho i a ia ake tonu atu.
Boundaries. Nga rohe o te whenua ka timata ki te Puaha o Aotea ka rere tonu i te
taha tika tae noa ki Papakaraka ka tae ki reira ka piki tonu ki uta tae ki te
Hutiwai ki te wahi i hokona e Tainui haere tonu i te kaha o te Raika puta noa ki
te puta o Pauarangi ka whati i reira ka ahu ki kaikai ka heke ki Pakoka ka haere
i te awa o Pakoka ka puta ki Tihitu ka eke ki Herangi ka whakawhiti ki Mawhaki
Tikiore Manuaitu Ka tutaki ki to te Kura ka rere i te kaha o to te Kura ki te
Piritoa puta noa ki te Moana tae noa ki te Ngutuawa.
A mo to matou whakaaetanga kia tino tukua rawatia tenei whenua e whakaae ana te
Kuini o Ingarani mona kia homai ki a matou kotahi te rau pauna takitahi (£100)
Ko nga utu katoa mo taua whenua me whakatumau ana oti te whakahaere te ruri o
taua whenua.
Receipt of £100 deposit. Ko aua moni Kotahi nei rau (£100) kua riro mai ki a matou i tenei ra na
te Makarini i homai.
KoTeAho.
Te Kewene.
Wakana.
Taukawe x.
Hetaraka x.
Nga kai Titiro ki enei homaitangi utu me enei tuhituhinga ingoa—
Gideon Smales, Wesleyan Missionary.
John Whitely, Wesleyan
Missionary.
Wiremu Kumete.
John Hobbs.