1858. 19 April.Whaingaroa District.Tenei Pukapuka i tuhituhia i tenei i te kotahi tekau ma iwa o nga ra o Aperira i te tau o to tatou Ariki 1858 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatitoa no ratou nga ingoa e mau i raro Ngatitoa Claims. nei a hei whakaatu tenei Pukapuka mo matou mo o matou whanaunga me o matou uri West Coast. mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona. uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni e rua nga rau e wha tekau takitahi kua utua mai ki a matou e Herangi (William N. Searancke) mo te Kuini (a e whakaaetia nei e matou te rironga mai o aua moni) ko nga wahi whenua katoa kei Aotea ki Whaingaroa ki Kawhia Aotea, Whaingaros, and Kawhia. hoki. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o William N. Searancke tetahi o nga Kaiwhakarite Whenua. Otiia mo a matou whenua katoa ki raro ki Whaingaroa ki Boundaries. Aotea ki Kawhia puta noa ki te Akau ara nga wahi katoa kua riro atu i o matou whanaunga te hoko atu ki te Kawanatanga o Nui Tireni i mua a tai noa i tenei ra.