1857. 2 December.Whaingaroa District.Tenei pukapuka tuku whenua e tuhituhia nei i tenei ra i te rua (2) o nga ra o Tihema i te tau o to tatou Ariki Kotahi mano e waru rau e rima tekau ma whitu (1857) He pukapuka tino tuku tino hoko tino hoatu na matou na nga Rangatira me nga tangata o Wharauroa. Ngatitewehi e mau nei nga ingoa ki raro nei hei whakaritenga mo nga Pauna moni page 610kotahi rau e whitu tekau takitahi kua utua mai ki a matou e te Rokena (John Rogan) mo te Kuini Wikitoria (a e rima tekau pauna (£50) i riro mai ki etahi o matou i te 11 o nga ra o Aperira 1854, i te 12 o nga ra o taua marama ano (£50) i te rima o nga ra o Mei 1854 £100 i te ll o Hepetema 1855. £10. i te 10 o Oketopa 1856—£30) (a e whakaaetia nei e matou te rirohga mai o aua moni) ara taua piihi whenua katoa o matou e takoto nei kei Whangaroa—ko te Wharauroa te ingoa, ki a Kuini Wikitoria ki nga Kingi me nga Kuini ranei o muri iho i a ia me ana e hoatu ai—ara taua whenua nga rohe ka timata ki te awa o Pakoka ki te taha o te wahi kua oti te tuku mo te Kura imua ki Maramatai ahoaho ka haere Manukariki ka tae ki te kurae kohatu ka whati i konei ka whiti, Whai nui, ka tae ki Wahakihaki ka whiti Ngutu pungarehu, Mangawhero, Nga puhi, Kainamunamu ka tae ki te Kiri—ka haere whakauta Pukaraka te Whataipu Boundaries. ka haere tonu i roto o te ngaherehere ka tae ki te Ohe kei te awa o te Pakihi—ka rere tonu ki te mango ko Tuporotangiroa i te ritenga o te Kapeku 50° 0′ ka haere ki te taha o Wahatane te wahi kua oti nei te hoko o Hemi Matini ka tae ki te Waiwherowhero ki Waitetuna, ka haere i roto o te wai o Waitetuna ka tae ki Tawataiaka ka whati ka haere ki te Whau rimu, ki te rimu maroke—ka haere i runga o te ruri, Patoa, Pukeruru, Tukuwaru ka tae ki Tutaenui ka haere i roto o te wai o Tutaenui ka tae ki te rohe tawhito o te Raeka ka haere i runga o te rohe o te Raeka ka tae tonu ki Awhea ka heke ki te Wai o Pakoka ka haere i te taha whakauta o te whenua kura ka tae ki Marama tae ahoaho ka tutuki nga rohe i reira—Me ona Rakau me ona kowhatu me ona wai me ona Roto me ona Manga me ona Parae me ona Ngaherehere me ona wahi ataahua me ona wahi kino me nga aha noa iho o taua whenua me nga Mea katoa o Runga ranei o te whenua o Raro ranei o te whenua me te tikanga me te putake me te Paanga me te wahi me te tononga o matou katoa o matou takitahi ranei e mau ake nei ki taua whenua. Heoi kua oti i a matou te hurihuri te Mihi te Poroporoaki te tino tuku rawa atu i tenei ra e whiti nei taua whenua o o matou tupuna tuku iho nei ki a matou kua whakahuatia nei nga rohe i runga ake nei a e mau nei te ahua ki te Taha o tenei Pukapuka tuku— Hei mau tonu ki te Kuini me ana e hoatu ai ake tonu atu. A hei tohu mo to matou whakaaetanga ki nga tikanga katoa o tenei pukapuka ka tuhia iho nei o matou Ingoa me o matou tohu. A hei tohu mo te whakaaetanga o to Rokena (John Rogan) mo te Kuini ki nga tikanga katoa o tenei pukapuka ka tuhituhia ano hoki e ia tona Ingoa.