1855. 13 July.Waipa District.Ko matou ko nga rangatira me nga tangata e mau nei nga ingoa ki tenei pukapuka E Te Tomo. whakaae pono ana i tenei ra i te tahi tekau ma toru (13) o nga ra o Hurai i te tau o to tatou Ariki 1855 kia hokona kia tino tukua rawatia tetahi wahi o to matou whenua ki a Wikitoria te Kuini o Ingarani ki nga Kingi Kuini ranei o muri iho i a ia ake tonu atu. Boundaries. Ka timata te rohe ki Ruapaha ka rere i runga i te ruritanga o Herangi ki Waimanu ka rere ki Purehurehu ka rere ki te Tomo ka ahu i runga i te ruritanga i te Tomo tutaki noa ki Ruapaha. A mo to matou tino tuku tino hoko tino tuku rawa i tenei whenua i tenei ra e whiti nei e whakaae ana a Wikitoria te Kuini o Ingarani mona kia utua matou ki nga Receipt for £20. pauna moni e rua tekau (£20 . 0 . 0) takitahi ko aua moni kua riro mai ki o matou ringaringa i tenei ra na te Makarini i homai.