1855. 16 August.Piako District.Tenei pukapuka e tuhituhia nei i tenei ra i te tekau ma ono (16) o nga ra o Akuhata i te tau o to tatou Ariki kotahi mano e waru rau e rima tekau ina rima (1855) He pukapuka Te Tawa. tino whakaae pono na matou na nga Rangatira me nga tangata o Ngatihaoa e mau nei nga ingoa ki tenei pukapuka kia hokona kia tino tukua rawatia tetahi wahi o to matou kainga ki Piako ki a Wikitoria te Kuini o Ingarani ki nga Kingi Kuini ranei o muri iho i a ia ake tonu atu.

Boundaries. Ka timata te rohe ki te Tawa ka rere ki Waihohonu ka rere i runga i te ruritanga o matou tahi ko Kapene Hiira (Heale) puta noa ki Tatawa rere tonu ki Waikahua tae noa ki Mangapirita rere noa Taumata tae atu ki te taha o Maungare rere noa ki Pukiekie tae ana ki te rohe i uta tata atu o te Huruhuru ka rere i taua rohe puta noa ki Waipapa haere ki Mangarewa tae atu ki Onewhero ka whiti i Maungataparu ka tae ki Mangahauinia ka rere i reira i te wai o Mangahaumia te rohe tutaki noa ki te Tawa.

A mo to matou tino whakaae pono kia hokona kia tino tukua rawatia tenei wahi o to matou kainga kua oti nei nga rohe te korero ki tenei pukapuka e whakaae ana a Wikitoria te Kuini o Ingarani mona kia utu i a matou ki nga pauna moni e toru rau takitahi (£300) Kotahi rau o aua moni kua riro mai ki a matou i te tahi o nga ra o Akuhata i te tau 1854. Ko nga rau e rua i toe kua homai ki o matou ringaringa i tenei ra e te Makarini.