Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Te Kauri Block, Mangonui District

Te Kauri Block, Mangonui District.

1860. 21 January.Mangonui District.Tenei Pukapuka i tuhituhia i tenei 21st o nga ra o Hanueri i te tau o to tatou Ariki 1860 he Pukapuka tino hoko tino hoatu tino tuku whakaoti atu na matou na nga Rangatira Te Kauri. me nga Tangata o "Ngatirehia" no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E Rua tekau ma rima kua utua mai ki a matou e Te Henare Kepa, Kai hoko mo te Kuini (a e whakaaetia nei e matou te rironga mai o aua moni) ko taua wahi whenua katoa kei Mangonui ko Te Kauri te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me page 11ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoaetanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Henare Kepa Kaiwhakarite Whenua. Ko nga rohe enei o taua whenua ka timata i Te Rae o te Kauri, ka rere i te Boundaries. taha taha o te awa o Mangonui a tae noa ki te karikaringa ka rere Wainui, tae noa ki te kaha o te Pata whenua mei i reira ka anga whakauta ki te raina o Te Wiroa ka haere i runga i taua raina a panoa ki te Kauri ki te timatanga mai o te kaha.
Kua riro mai ki a matou i tenei ra i te 21st o nga ra o Hanueri i te tau o to Tatou Receipt for £25. Ariki Kotahi mano e waru rau e ono tekau (186) nga Pauna moni E Rua tekau ma rima (£25) Ko te utu tenei kua whakahuatia ki te Pukapuka tuku e mau i runga ake nei kia utua mai ki a matou e Te Henare Kepa mo te Kuini.

Tamati Huingariri

Nga Kai-titiro—

Rameka.
Te Kiritatara.

H. T. Kemp,
Dist. Comr.