Tenei Pukapuka i tuhituhia i tenei E toru te kau (30th) o nga ra o Mei i te tau o 30 May 1865Mangonui District. to tatou Ariki 1865 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Te Patu (Rarawa), no ratou nga ingoa e mau i Toatoa. raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E toru rau e waru tekau ma ono pauna 6/ kua utua mai ki a matou e Te Waiti mo te Kuini (a e whakaaetia nei e matou te rironga mai o aua moni) ko taua wahi whenua katoa kei Mongonui ko Toa Toa te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Waiti Kaiwhakarite Whenua. Ko nga rohe enei o taua whenua ka timata te kaha Boundaries. i te taha ki te Nota, kei te awa o waipapakauri haere atu ki te raina o Otengi. I te taha ki te Rawhiti ko te raina ano o Otengi haere atu ki Pakarawhiu haere tonu i te kaha o Hikurangi me te kaha o Mangatete a tae noa ki Te Pare o te Ngake. I te taha ki te Tonga ko te raina o te Kaiaka haere atu ki "Tari-ki-tui" haere i te raina o Mangatete tae noa ki Tanganui. I te taha ki te Hauauru ka timata ki Tanganui haere atu i nga raina ruritanga ki Watianga, Mumu, Pukerengarenga, Kawhiti i te wai o Parapara kei te Waipuru, haere tonu ki Korangi, Waingarua haere tonu ki te awa o Waipapakauri ka haere i taua awa a tuhono noa ki te kaha o te Nota. Kotahi wahi e mahuetia ana kei waenga nui o te awa o Papaparoa me te awa o te Toatoa. Reserve excepted. Koia tena e mau nei kei roto i te mapi.