Tenei Pukapuka. i tuhituhia i tenei ra i te 2, o nga ra o Akuhata i te tau o to tatou 1862 2 August.Mangonui District. Ariki 1862 he Pukapuka tino hoko tino hoatu tino tuku whakaoti atu na matou na nga Mangatete. Rargatira me nga Tangata o Te Rarawa no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni £509 . 17 . 11. kua utua mai ki a matou e Te Henare Kepa mo te Kuiui (a e whakaaetia nei: e matou te rironga mai o aua moni) ko taua wahi whenua katoa kei Mangonui ko "Mangatete" te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki [unclear: tei]. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Henare Kepa Kaiwhakarite Whenua. Ko nga rohe enei o taua whenua ka timata i te wai o Otukai, otira i te wahi Boundaries. [5,649 acres.] i kapea mo nga Maori, ka rere tonu i te taha o taua pihi maori, i te wai hoki o Mangatete, ka rere i runga i te raina ruri ki te Pa Matakou, mei reira ka rere tonu i runga i te raina Ruri ki te wai o Ohinu, mei reira ka rere i roto i te wai i runga hoki o te raina ruri tae noa ki te Wai o Kaitaia, ka haere i roto i te wai o Kaitaia i te taha hoki o nga pihi Rongoa tae noa ki te hononga o to wai o Pikorako, ka haere i runga i te raina tae noa ki Rakauwhakataratara, Oruatiti, Te Arikitu, tuhono noa ki te wai o Otukai ki te timatanga o te kaha; Otira, kei te mapi o te Ruritanga e apiti nei i tenei pukapuka, te tino tikanga o nga Kaha.

Kua riro mai ki a matou i tenei ra i te rua o nga ra o Akuhata i te tau o to Tatou Receipt for £509 . 17 . 11. Ariki Kotahi mano e waru rau e ono te kau ma rua (1862) nga Pauna moni E Rima Rau ma iwa 17s. 11d. (£509 . 17 . 11.) Ko te utu tenei whakahuatia ki te Pukapuka tuku e mau i runga ake nei kia utua mai ki a matou e—mo te Kuini.