Maungatniwha Block, Mangonui District.
1862 2 August.Mangonui District.Maungataniwha.Tenei Pukapuka. I Tuhituhia I Tenei Ra i te rua (2) o nga ra
o Akuhata i te tau o to tatou Ariki 1862 he Pukapuka tino hoko tino hoatu tino
tuku whakaoti atu na matou na nga Rangatira me nga Tangata o Te "Rarawa" no
ratou ng ingoa e mau i raro: nei a hei whakaatu tenei Pukapuka mo matou mo o
matou whanaunga me o matou uri mo te tuhituhinga o o matou ingoa ki tenei
pukapuka i raro i te ra e whiti nei kua whakarerea rawatia kua tino tukuna
rawatia atu kia Wikitoria Kuini o Ingarani ki ona uri ki nga Kingi ki nga Kuini
o muri iho i a ia me ana me a ratou e whakarite ai hei whakaritenga mo nga Pauna
moni £388 . 3 . 3 kau utua mai ki a matou e Te Henare Kepa mo te Kuini (a.e.
whakaaetia nei e matou te rironga mai o aua moni) ko taua wahi whenua katoa kei
roto o Mangonui ko "Maungataniwha" te ingoa o taua wahi whenua Boundaries. [8,469 acres.] ko nga rohe kei raro i te Pukapuka nei e mau ana te korero whakahaere ko
te mapi hoki o taua whenua kua apititia ki tenei. Me ona rakau me ona kowhatu me
ona wai me ona awa nui me ona roto me ona awa ririki me nga mea katoa o taua
whenua o runga ranei o raro ranei i te mata o taua whenua me o matou tikanga me
o matou take me a matou paanga katoatanga ki taua wahi; Kia mau tonu kia Kuini
Wikitoria ki ona uri ki ana ranei e whakarite ai hei tino mau tonu ake tonu atu.
A hei tohu mo to matou whakaaetanga ki nga tikanga katoa o tenei Pukapuka kua
tuhituhia nei o matou ingoa me o matou tohu. A hei tohu hoki mo te whakaaetanga
o te Kuini o Ingarani mo tana wahi ki nga tikanga katoa o tenei Pukapuka kua
tuhia nei te ingoa o Te Henare Kepa Kaiwhakarite Whenua. Ko nga rohe enei o taua
whenua ka timata he puke, tona ingoa ko Mangonui, mei reira, ka rere tae noa ki
te hononga o nga wai o Otongahiti o Wainui, tae noa ki Whakatakere, mei reira ka
rere i runga i te raina Ruri tae noa he puke, tona ingoa ko Whakahara, ka rere
Pukewharariki, mei reira ka rere haere i runga i nga raina o nga pihi Maori o te
raina ruri hoki, tae noa ki te wai o Te Tawapuku, ka haere i taua wai i te raina
Ruri hoki, tuhono noa ki Mangonui ki te timatauga mai o te kaha. Otira kei te
Mapi o te Ruritanga e apiti nei i tenei pukapuka, te tino tikanga o nga Kaha.
Receipt for £388. 3 . 3. Kua riro mai ki a matou i tenei ra i te Rua o nga ra o Akuhata i te tau
o to Tatou Ariki Kotahi mano e waru rau e ono te kau ma rua (1862) nga Pauna
moni E toru rau, waru te kau ma waru 3s. 3d. (£388 . 3 . 3) Ko te utu tenei kua
whakahuatia ki tePukapuka tuku e mau i runga ake nei kia utua mai ki a matou
e—mo te Kuini.
ti pene.
Ko te hihi.
Aperahama.
te Wiremu.
ha ta e
re.
Nga tawha.
R. Kiriwi.
Hohaia te Ngonge x his mk.
Na
Tipene i tuhi.
Paora Ururoa.
heremaia te ara.
Hone heke.
Whiremu te pahi.
ho Hepa te taha.
Witnesses—
Joseph Reilly, Corporal Police.
W. B. White,R.M.
Geo. Kelly,
Interpreter to Magistrate.
H. T. Kemp,
Dist.
Commissioner.