'E to mātou matua[119] i Poneke;
kia tapu tōu ingoa,
kia tau iho tōu mana;
homai ki a mātou he ture pai i tēnei tau, i tēnei tau;
murua o mātou hara moumou oneone;
herea o mātou mōrehu whenua;
kaua rawa e whakaaetia a mātou tono
kia wetekina nga here o o mātou whenua
engari whakawhānuitia he ture
hei whakakaha i o mātou uaua ki te ahuwhenua,
kia pērā me ta te Tuaiho[120] e kii rā
ma te werawera o tōu mata e kai ai koe i te kai,
a hoki noa koe ki te oneone,
i tangohia mai nei koe i reira,
he puehu koe, ā, ka hoki anō ki te puehu. āmine'