My Ain Fireside.

O, I hae seen great anes, an' sat in great ha's,
'Mang lords an' 'mang ladies a' covered wi' braws;
At feasts made for princes wi' princes I've been,
Whar the grand' shine o' splendor has dazzled my e'en;
But a sicht sae delightfu' I trow I ne'er spied
As the bonnie blithe blink o' my ain fireside.
My ain fireside, my ain fireside,
O, cheery's the blink of my ain fireside.

Chorus—My ain fireside, my ain fireside;
O, sweet is the blink o' my ain fireside.
My ain fireside, my ain fireside;
O, sweet is the blink o' my ain fireside.

Ance mair, Heaven be praised, round my ain hearthsome ingle,
Wi' the friends o' my youth I cordially mingle;
Nae forms to compel me to seem wae or glad,
I may laugh when I'm merry, and sigh when I'm sad.
Nae falsehood to dread, an' nae malice to fear;
But truth to delight me, and friendship to cheer;
Of a' roads to happiness ever were tried,
There's nane half so sure as ane's ain fireside.
Chorus—My ain fireside, &c.