The Pamphlet Collection of Sir Robert Stout: Volume 87
Willie's Gane to Melville Castle
Willie's Gane to Melville Castle.
The first he met was Lady Kate,
She led him thro' the ha',
An' wi' a sad and sorry heart,
She loot the tear doon fa'.
Beside the fire stood Lady Grace,
Said ne'er a word ava',
She thocht that she was sure o' him
Before he gaed awa'.
O, ben the house cam' Lady Bell,
"Gude troth ye need na craw,
"May be the lad will fancy me,
"An' disappoint ye a'."
Doon the stair tript Lady Jean,
The flower amang them a',
"O lasses, trust in Providence.
"An' ye'll get husbands a'."
When on his horse he rode awa',
They gathered round the door,
He gaily waved his bonnet blue,—
They set up sic a roar.
Their cries, their tears brought Willie back,
He kissed them ane an' a',
Said, "Lasses bide till I come hame,
"And then I'll wed ye a'."
Copies, with Pianoforte Accompaniments, to be had of Campbell & Co., Argyll Place, Regent Street.