There Cam' a Young Man.

Or, the Cauldrife Wooer.

I set him in aside the bink;¹
I gied him bread and ale to drink;
But ne'er a blythe sty me wad he blink,²
Till he was warm and fu'.
An' wow! but he was, &c.

Gae, get you gane, you cauldrife wooer,
Ye soar-looking, cauldrife wooer!
I straightway show'd him to the door.
Saying, Come nae mair to woo.
An' wow! but he was, &c.

There lay a deuk-dub ³ before the door,
Before the door, before the door;
There lay a deuk-dub before the door,
An' there fell he, I trow!
An' wow! but he was, &c.

Out cam' the gudeman, an' heigh he shouted;
Out cam' the guidwife, an laigh she louted;
An' a' the toun-neebors were gather'd about it;
An' there lay he, I trow!
An' wow! but he was, &c.

Then out cam' I, an' sneer'd an' smil'd;
Ye cam' too woo, but ye're a' beguiled;
Ye've fa'en i' the dirt, and ye're a' befyled,
We'll ha'e nae mair o' you!
An' wow! but he was, &c.