The Pamphlet Collection of Sir Robert Stout: Volume 87
My Nannie, O
My Nannie, O.
page 17
My Nannie's charming, sweet, and young;
Nae artfu' wiles to win ye, O;
May ill befa' the flatt'ring tongue
That wad beguile my Nannie, O.
Her face is fair, her heart is true,
As spotless as she's bonnie, O;
The op ning gowan, wat wi' dew,
Nae purer is than Nannie, O.
A country lad is my degree,
An' few there be that ken me, O;
But what care I how few they be—
I'm welcome aye to Nannie, O.
My riches a's my penny fee,
An' I maun guide it cannie, O;
But warl's gear ne'er troubles me,
My thoughts are a' my Nannie, O.
Our auld guidman delights to view
His sheep an' kye thrive bonnie, O;
But I'm as blythe that hauds his plough,
An' has nae care but Nannie, O.
Come weel, come wae, I carena by,
I'll tak' what heav'n will send me, O;
Nae ither care in life ha'e I,
But live and love my Nannie, O.