Duncan Gray.

Duncan fleech'd,⁵ and Dancan pray'd,
Ha, ha, the wooin' o't,
Meg was deaf as Ailsa Craig,
Ha, ha, the wooin' o't.
Duncan sigh'd baith out an' in,
Grat his een baith bleer't an' blin',⁶
Spak' o' loupin'⁷ ower a linn, ⁸
Ha, ha, the wooin' o't.

Time and chance are but a tide,
Ha, ha, the wooin' o't,
Slighted love is sair to bide,
Ha, ha, the wowin' o't.
Shall I, like a fool, quo' he,
For a haughty hizzy die?
She may gae to—France—for me!
Ha, ha, the wooin' o't.

How it comes, let doctors tell,
Ha, ha, the wooin' o't,
Meg grew sick as he grew heal,
Ha, ha, the wooin' o't.
Something in her bosom wrings,
For relief a sigh she brings;
And, oh! her e'en they spak' sic things
Ha, ha, the wooin o't.

Duncan was a lad 0' grace,
Ha, ha, the wooin' o't,
Maggie's was a piteous case,
Ha, ha, the wooin' o't.
Duncan couldna be her death,
Swelling pity smoor'd his wrath;
Now they're crouse and canty baith!
Ha, ha, the wooin' o't.