3. He mea whakarite ano nga kaumatua o te Hahi.

Ahakoa, karangatia te tangata e te Atua, e kore ia e haere noa ki te kauwau. Kahore. E ngari, kia whakamatauria tona karangatanga e te hahi. Kowai hoki te matau ana, he pono ranei tona karangatanga, kahore ranei?—"Eaoia, ma o ratou hua ka kitea ai ratou e koutou." Matiu 7. 16. He haurangi pea tena no te tangata, he kuware ranei, he he noa iho ranei, i mea ai ia, kua karangatia ia e Te Atua ki tenei mahi. Otira, page 16 ma nga kaumatua, nga kai arahi, o te hahi, e titiro ki ana ritenga, me ta Paora hoki i meaki a Timoti,—"Kei whakapakia wawetia nga ringaringa ki tetahi tangata." 1 Timoti 5. 22. Me tenei hoki,—"Ko nga mea i rongo ai koe i ahau ki nga kai whakapono tokomaha, tukua enei mea ki nga tangata pono e matau ai te whakaako ki era atu." 2 Timoti 2. 2. Ano ra, ka ata kitea ana ritenga, e pono ana, ko tona whakapono e tino pakari ana, me tona matauranga, me ana mahi e tika ana, a, ka tino rite ki ta 1 Timoti 3. 2, 13. hei reira ia tukua ai ki tenei minitanga "me te whakapanga o nga ringaringa o nga kaumatua. 1 Timoti 4. 14. Ka tahi ka tino rite tona minitanga. Ka rua hoki karangatanga nona, ko ta Te Atua ki mua, muri iho, ko ta te hahi.—Na konei ka meinga ai ia "he karere mo te Karaitihe karere ano hoki na te hahi." 2 Koriniti 8. 23. I peneitia ano ra o koutou minita kua tae mai nei ki a koutou. Heoi ano. Kua kite koutou, a, e matau ana ano. "Ka timata ano ranei matou te whakapai i a matou? ka mate ranei matou, me etahi atu, ki nga pukapuka whakapai ki a koutou, ki etahi pukapuka whakapai ranei no koutou? Ko koutou to matou pukapuka he mea tuhituhi ki o matou ngakau, e kitea ana e korerotia ana e nga tangata katoa: E whakakitea ana hoki ko koutou te pukapuka o te Karaiti, he mea minita na matou, kua tuhituhia, e hara ia ki te mangumangu, otira, ki te Wairua o te Atua ora; kihai tuhituhia ki nga papa kowhatu, otira, ki nga papa kikokiko o te ngakau.' 2 Koriniti 3. 1,—3.