2. He hahi tapu te hahi a te Karaiti.

"E tapu ana hoki te temepara o Te Atua, ko taua temepara hoki koutou." 1 Koriniti 3, 17. "Me te Karaiti hoki kua aroha ki te hahi, a kua ho atu i a ia ano mo page 7 taua hahi, kia whakatapua ai e ia, ua oti te whakapai ki te horoinga o te wai ki te kupu, kia ho atu ai ki a ia ano hei hahi kororia, te whai ahua kino, ngatatatanga, tetahi atu ranei o aua mea, otira kia tapu ai, kia kino kore ai." Epeha 5.25—27. Waihoki ko nga tangata katoa o tana hahi, e tapu ana, ina, ta Paora, "kua horoia koutou, kua whakatapua koutou." 1 Koriniti 6, 11. "Kua houhia nei ano te rongo ki a koutou—kia whakaturia ai koutou i tona aroaro hei hunga tapu, kia kino kore ai, kia kore ai e riria." Korohe 1. 21, 22. "Kua ho atu ano ia i a ia ano mo tatou, kia hokona ai tatou i te hara katoa, a kia whakapaia ai te hunga mona ake ano, he hunga totohe ki nga mahi pai." Taituha 2, 14.

Koia ano ra te tapunga o ta Te Atua hahi, puta ke ano tona ahua i to te tangata maori tapu. He tapu ano hoki to te tangata poka ke ana i ta Te Atua. Na, kei to te tangata ritenga, e tapu ana ano tona whare, tona tinana, ona kakahu, ana kai, me ona aha noa iho. Tena, ko Te Atua, "e kore ia e noho i nga temepara i hanga ki te ringaringa; e kore ano hoki ia e karakiatia ki nga ringaringa tangata, ano e mate tona, ki te aha ranei." Nga Mahi 17. 24, 25. E hara ia i nga mea o waho o te tangata e meinga ana e Te Atua, he mea tapu. Penei, "e rite ana—ki nga urupa kua oti te pani ki te paru ma, e ata ahua ana a waho, ko roto ia e toki ana i nga iwi tupapaku, me te tini o te paru.—Ko waho te tika ana ki to te tangata titiro, ko roto ia e toki ana i te whakarite kau, i te kino." Matiu 23. 27, 28. Otira, ko te tapu e paingia ana e Te Atua, ko roto ia o te ngakau o te tangata. "Kia whakarerea te hara e nga tangata katoa, e whakahua ana i te ingoa o te Karaiti." 2 Timoti 2, 19. "E horoia ana tatou ki te toto o Ihu Karaiti Tana tamaiti i te hara katoa." 1 Hoani 1, 7. He tapu whakaahua kau tena ki Te Atua. "Na, koia e whakatapu ana, ko ratou hoki e whakatapua ana, no te ahua kotahi ratou katoa." Hiperu 2, 11. "Kua tuhituhia hoki, kia tapu koutou, e tapu ana hoki ahau." 1 Pita 1, 16. Na, he tapu pai tenei, he tapu whakawairua hoki, "Kino page 8 kore, pokenga kore."—"He maramatanga Te Atua, a kahore kau he pouritanga i roto i a ia." I Hoani 1, 5. Ko ona tangata, "kua unuhia, e ratou, te tangata tawhito me ana hanga; a kua kakahuria te tangata hou, ko ia e whakahoutia ana mo te matauranga ki te ahua ona i hanga ai ia." Korohe 3. 9, 10. I tapu ano te Karaiti: kua meinga ia "kia tapu, kia kino kore, kia kaua e poke i te hara, kia motu ke i te hunga hara." Hiperu 7, 26. Waihoki, ka mea ia ki ona tangata, "Mo konei ra, puta mai koutou i roto i a ratou, kia motu ke—a kaua koutou e pa atu ki te mea kino; a maku koutou e tango." 2 Koriniti 6, 17. Ae ra, e kore tana hahi e huihui talli ki te ritenga o tenei ao. Me tana hoki i mea, "E hara ratou i te ao, me ahau hoki e hara i te ao." Hoani 17, 16. E takoto ke ana ta te ao ritenga i ta Te Atua, "Mo reira ra, ko ia e hiahia ana kia meinga hei hoa aroha no te ao, e meinga ana ia hei hoa riri mo Te Atua. Hemi 4, 4. No konei hoki a Paora i mea ai, "Kaua koutou e whakaritea ki tenei ao." Roma 12, 2. "Kahore he tangata e pono te mahi ki nga rangatira tokorua," e ai ta te Karaiti, Matiu 6, 24. À, "ki te mea e aroha tetahi ki te ao, kahore te aroha o te Matua i roto i a ia." 1 Hoani 2, 15. Na te mea hoki, "e hara ratou i te ao, ka kino te ao ki a ratou." Hoani 15, 19. "Me o mua hoki, ko ia i whanau ki te ritenga o te kikokiko i whakatoi i a ia i whanau ki te ritenga o te wairua, e pera ana ano inaianei." Karatia 4, 29. Heoi ra, tapu tonu ake tana hahi; "ekore e tomo atu ki reira tetahi mea e whakakino ana ranei, i te mea whakarihariha, i te teka ranei, ko ratou anake kua oti te tuhituhi ki te pukapuka ora a te Reme." Whakakitenga 21, 21. Mo konei ra, "Kia tapu te Ariki Te Atua i roto i o koutou ngakau: a kia rite tonu koutou ki te whakahoki kupu atu ki te tangata katoa e uia ai koutou ki te ritenga o te whakaaro pumau i roto i a koutou, me te rangimarie ano, me te wehi ano." 1 Pita 3, 15.