"E korero ana ia ahau ki a Karaiti, ki te hahi hoki." Epeha 5, 22.

He aha koia te tikanga o te kupu nei—o te Hahi? Ka pai ra kia marama tona tikanga ki te tangata katoa, kei totohe tetahi ki tetahi ki runga i te kuwaretanga. No te reo Kariki te putake o tenei ingoa. Ko te reo hoki tena i orokotuhia ai te kawenata hou. Na, ko te tikanga maori o taua kupu, koia tenei, he whakaminenga tangata, ina hoki, tona whakamaoritanga kei Nga Mahi, 19. 32. "Kua raruraru ke hoki taua whakaminenga" Rite tahi ana ano tenei kupu i te reo Kariki, ki era atu e whakamaoritia ana, "ko te hahi."Heoi ra, ko tona tikanga, kei ta te whakapono ritenga, koia tenei, ko te whakaminenga—te katoatanga ranei—o nga tangata whakapono ki a Ihu Karaiti. Koia ano "te hahi puta noa i te ao;" ki ta Paora hoki i mea ai "ki te hahi o Te Atua e noho ana i Koriniti—me ratou katoa i nga wahi katoa e karanga ana ki te ingoa o to tatou Ariki a Ihu Karaiti, ko to ratou, ko to tatou." 1 Koriniti 1.2.

Ma te tangata ka whakarere i te karaipiture, ka pohehe noa iho ona whakaaro ki tenei mea, ka waiho ia, "hei tamariki, he mea pae, he mea wakateretere ki nga hau katoa o te whakaakoranga, ki te hianga o te page 4 tangata, ki te tinihanga, he mea, hei whakamea i te he." Epeha 4, 14. Tena ko tenei, kia u te tangata ki te kupu o Te Atua, pera hoki me ratou o Peria, "i rapu tonu i nga karaipiture i nga ra katoa, te tikanga o enei mea." Nga Mahi 17, 11. Penei, ka marama tonu ona whakaaro, ano he awatea, ina hoki, "ki te pai tetahi tangata ki te mea i tana hiahia, e matau ia ki te whakaakoranga, no Te Atua ranei." Hoani 7, 17. Me tenei hoki, "ka oti te tuhituhi i nga poropiti, e whakaakona katoatia ratou e Te Atua." Hoani 6, 45. A "ko ia e rapu ana e kite ana" e ai ta te Karaiti. Matiu 7, 8. A—"ki te hapa tetahi o koutou i te matauranga kia inoi ia ki Te Atua—a ka ho atu ki a ia." Hemi 1, 5, Na, e mea ana te karaipiture ki a tatou:—