Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

The Pamphlet Collection of Sir Robert Stout: Volume 63

3. E kore e hoki iho te kupu a te Atua

3. E kore e hoki iho te kupu a te Atua.

I whakateka e tahi, he manawanui na te Atua, te whakangaro wawe ai ia i tenei ao. "Kia matau koutou ki tenei ki mua, e puta mai i nga ra whakamutunga te hunga tawai, e haere ana ki te ritenga o a ratou hiahis ake; e mea ana, keihea te korero o tana haerenga mai, no te ra hoki i moe ai nga matua, e mau tonu ana nga mea katoa me to te oroko hanganga." 2 Pita 3, 4 Otira, "E kore te Ariki e whakaroa ki tana korero, me ta etahi e whakaaro ana ki te whakaroa; otira e manawanui ana ki a tatou, ekore hoki ia e hiahia kia mate tetahi, otira kia haere katoa ki te ripeneta." 2 Pita 3.9. "He pono hoki e mea atu nei ahau ki a koutou, kia pahure ra ano te rangi me te whenua, e kore tetahi wahi- page 35 nohinohi rawa o te ture e pahure, kia rite katoa ra ano." Matiu 5 18. Na, kei kuware koutou, e aku hoa aroha, ki tenei mea kotahi, kotahi ano ra kei te Ariki, ano ko tahi mano tau, a kotahi mano tau, ano he ra kotahi," 2 Pita 3. 8.

Me te purapura maori ano, e ngakia iho ana ki raro ki te whenua. Waihoki, ko te hahi a te Atua e meinga ana ano kia nui haere i te ao. Tirohia ta Matiu 13. 24, A, me te hahi o mua, ara, o nga Hurai, i whawhaitia maoritia e nga tau iwi, e o ratou hoa riri. E penatia ana ano hoki te hahi i a tatou. Otira, e whawhaitia whaka wairuatia ana. "E hara hoki to tatou i te wha whai ki nga tuto, ki nga kikokiko; otira, ki nga rangatiratanga, ki nga kaha, ki nga rangatira o te pouritanga o tenei ao, ki nga kino whakawairua i nga wahi o te rangi." Epeha 6. 12. Kei aha hoki te whawhaitia noatia ai? "He aha ka nana ai nga tauiwi, ka whakaaro ai te iwi i te mea he? ko nga kingi o te whenua he whakamatua ana, a ko nga rangatira e runanga ana ki a Ihowa, ki tana ano hoki i whakawahi ai, e mea ana,—tatou ka motumotu i o tatou hereherenga kia motu, a ka akiri atu i o ratou aho i a tatou, koia e noho ana i nga rangi oe kata; ka tawaia ratou e Ihowa. Ko reira ia korero atu ai ki a ratou i tana riri, a ka whakamamaetia ratou ki tana riri nui." Waiata 2. 1-5. E kaha koia ana hoa riri i a ia? Ko tehea koia, Ko Hatana? "Koia te tama a te Atua i whakakitea mai ai kia whakakahoretia ai e ia nga mahi a te rewera-kia whakakahoretia ai ki te mate, a ia nona nei te kaha o te mate, koia ia ko te rewera'" 1 Ho ani 3. 8. Hiperu 2. 14, A "ko nga tatau o te reinga e kore e kaha i tana hahi." Matiu 16. 18. Ka kaha ranei nga atua maori, nga atua whakapakoko? "Kia whakapororarutia katoatia ratou e whakapononga ana ki nga whakapakoko e whakapehapeha nei ki nga atua rakau: koropiko atu ki a ia e nga atua katoa." Waiata 97. 7. Ka kaha ranei te hahi e whakaputa ke ana, kia kore ai te hahi pono o te Atua i a ia? "Ko reira whakakitea mai ai taua tangata kino, ma te Ariki ia e whakahemo ki te page 36 ha o tana mangai, mana ia e whakakahore ki te putanga o tona taenga mai." 2 Teharonika 2. 8. "Ka uekaha tona karanga ki te reo nui, ka mea, kua horo, kua horo, Papurona nui, kua meinga ano hei kainga rewera, hei whare herehere hoki mo nga wairua kino katoa, hei whare herehere mo te manu kino katoa, mo te mano whakarihariha." Whakakitenqa 18. 2. E kaha ana oti te tangata i a Ihu Karaiti? "Ha! te tangata nei, ko wai koe e korero nei ki te Atua?" Roma 9. 20. "E rite ana te tangata ki te mea memeha noa, e pena ana ano ona ra me te atarangi e whakapahure ana." Waiata 144. 4. "Otira, mo te hunga wawau, mo te hunga whakateka, mo te hunga whakarihariha, mo nga kai kohuru, mo te hunga puremu, mo te hunga makutu, mo te hunga karakia ki nga whakapakoko, mo te hunga; teka katoa, ko to ratou wahi, kei te roto e ka ana i te ahi, i te ngawha; ko te matenga tuarua tenei." Whakakitenga 21. 8, "Ko tahi ia te kai ho mai i te ture e kaha nei ki te whakaora, ki te whakamate." Hemi 4.12. "A, ka tatari ake nei ano kia waiho ra ona hoa riri hei taka hanga mo ana waewae." Hiperu 10. 13. "Ko reira te mutunga ina oti te rangatiratanga te ho atu e ia ki te Atua te Matua; ina oti te whakangaro te kawanatanga katoa, te mana katoa, me te kaha." 1 Koriniti 15. 24 "Ko reira nga iwi katoa o te whenua tangi ai, a, e kite ratou i te Tama a te tangata e haere mai ana i runga i nga kapua o te rangi me te kaha me te kororia nui." Matiu 24. 30. "Ko reira hoki koutou puta tahi mai ai me ia i te kororia." Korohe 3. 4. "E pai ana mou, e te Ariki, kia tango i te kororia, i te honore, i te kaha.—Ae ra, haere mai e te Ariki, e Ihu. Hei a koutou katoa te atawhai o to tatou Ariki a Ihu Karaiti. Amene." Whakakitenga 4, 11-22. 20, 21.

Ko Te Mutunga.