1. E mea ana te Karaiti e riro te ao i a ia.

Na, kua tukua mai e Te Atua, he rangatiratanga mo tana Tamaiti, me tana hoki i mea "Ka whakaritea e ahau mo koutou, he rangatiratanga, me ta taku matua i wakarite moku." Ruka 22. 29, Heoi, e hara tona rangatiratanga i te penei, me nga rangatiratanga o te ao. "Ka ki atu a Ihu. e hara taku rangatiratanga i tenei ao." Hoani 18. 36. Na he mea memeha nga rangatiratanga o konei. Keihea koia nga rangatiratanga nunui o page 30 mua? Kua kahore ke. Waihoki, ko nga rangatira tanga katoa e mau nei, e mutu ano. Tena ko te rangatiratanga o te Karaiti, ara ko tana Hahi, e kore ia e mutu. Koia te karaipiture ka ki nei "He rangatiratanga mutunga kore [unclear: to] rangatiratanga a, e mau tonu ana tou mana [unclear: pu] noa i nga whakatupuranga katoa." Waiata 145. 13 Me tenei hoki "E mea ana ia ki te Tamaiti, Mo ake tonu atu tou torona, e Te Atua; he hepeta o te tikanga te hepeta o tou rangatiratanga." Hiperu 1. 8. Ke amua ano ka rangona "nga reo nunui i te rangi mea ana, kua meinga nga rangatiratanga o te ao, [unclear: he] rangatiratanga mo to tatou Ariki, mo tana Karaiti hoki a mana e kingi, ake, ake, ake." Whakakitenga 11. 15. "Mo konei ra, ka tango nei tatou, ki te rangatiratanga e kore e taea te whakaoho, kia mau tonu ki te atawhai e pai ai to tatou karakia ki Te Atua, me te mataku, me te wehi ano." Hiperu 12. 28. Tena ano nga korero o te karaipiture, he tini ke, e whakakite ana i te kororiatanga o ta Te Karaiti hahi. "Inoi mai ki au, a, ka ho atu e ahau ki a koe, nga tau iwi hei kainga mou, me nga topito o te whenua hei taonga mou." Waiata 2. 8. "E te pa o te Atua! he mea kororia nga mea e korerotia ana mou." Waiata 87. 3. "Ka wehingia e nga tau iwi te ingoa o Ihowa, e nga kingi katoa ano hoki o te whenua, tou kororia." Waiata 102. 15. "Na konei Te Atua i tino whakaniui ai i a ia, a kua ho atu ki a ia he ingoa nui atu i nga ingoa katoa; kia piko ai nga turi katoa ki te ingoa o Ihu, o nga mea i te rangi, o nga mea i te whenua, a ma nga arero katoa e whakaae, ko Ihu Karaiti, te Ariki, mo te kororia o Te Atua te Matua." Piripai 2. 9. 11. "Kowai e kore e mataku i a koe, e whakakororia hoki i tou ingoa e te Ariki? Ko koe anake hoki te tapu ana; a haere mai hoki nga Tauiwi katoa e koropiko i tou aroaro." Whakakitenga 15. 4.